९ जेष्ठ २०८१, बुधबार May 22, 2024

विद्यार्थीनसे विद्यार्थीहे सहयोग

१५ जेष्ठ २०७९, आईतवार
विद्यार्थीनसे विद्यार्थीहे सहयोग

धनगढी । कैलारी गाउँपालिका वडा नम्बर ७ विपतपुर शिविरके विद्यार्थीनहे शैक्षिक सामाग्री सहयोग करल बा ।
कैलाली बहुमुखी क्याम्पसमे बीए/बीएसडब्ल्यू सेकेण्ड सेमेष्टरमे अध्ययनरत विद्यार्थीनसे उ शैक्षिक सामाग्री सहयोग करल हो ।
गैल बैशाख ११ गते बस्तीमे भिषण आगलागीसे शिविर नै भुवा बनल रहे । आगलागीसे विद्यार्थीनके कापी, किताब लगायत लत्ताकपडा, स्कूल ड्रेस जरल रहे । कुछ राहत पुग्ना कहटी विशाल चौधरीके नेतृत्वमे आइल उ टोलीसे विद्यार्थीनहे कपी, कलम, कटर, सार्पनर लगायतके सामाग्री सहयोग करल हो । क्याम्पसमे पहु्रइया विद्यार्थीनसे नगद सहयोग संकलन कैके नगद १२ हजार ४५० रुप्या बराबरके शैक्षिक सामाग्री खरिद करल विशाल चौधरी जानकारी डेलै ।
कार्यक्रममे वडा नम्बर ७ के वडा अध्यक्ष दिपेन्द्र बम ओ विद्यार्थी खेमराज शर्मा गाउँक अघरिया अर्जुन चौधरीहे शैक्षिक सामाग्री हस्तान्तरण करल रहिट ।
खेट्वामे गोहुक लर्वा जराइक लाग लगाइल आगी बैशाख ११ गते विपतपुरके मुक्त कमैयाके घरमे लागल रहे । ७१ घरधुरी रहल बस्तीमे ३४ घर पूर्ण रुपमे जरके भुवा बनल बा कलेसे २७ घरमे आङ्शिक क्षति हुइल कैलारी गाउँपालिकाके कार्यालय जनैले बा ।