धनगढी, ७ बैशाख । लावा बरसके उपलक्ष्यमे धनगढीमे टीभीएस एक्सचेन्ज मेनिया मेला आयोजना करगैल बावै ।
जगदम्बा मोटर प्रालिसे सुदूरपश्चिम प्रदेशके ग्राहकहुक्रनके लाग धनगढीके कभर्ड हल बाल्मिकी स्कूल आघे उ मेला आयोजना करल हो । उ मेलामे ग्राहकहुक्रे लावा मोटरसाइकल खरिद करे चाहलमे विशेष छुट ओ अफर पैनाके साथे पुरान मोटरसाइकल वा स्कुटरहे लावा मोटरसाइकलसे साटे सेकजैना जगदम्बा मोटर्सके नेश्नल सेल्स हेड धनीराम भूसाल बटैलै ।

उ मेलामे टीभीएस मोटरसाइकलके अधिकारिक बिक्रेता वागेश्वरी अटोमोटिभ्स् धनगढी कैलालीसे टमान मोडलके टीभीएस मोटरसाइकल खरिद अथवा साटे सेकजैना सेल्स हेड भूसाल जानकारी डेलै । उहाँके अनुसार ग्राहकहुक्रे लावा मोटर साइकल खरिद करलेसे शुन्य प्रतिशत ब्याजदर सहित ५० प्रतिशत डाउनपेमेन्टमे खरिख करे सेकजैना ओ पुरान मोटरसाइकलके ३० हजार भ्यालुएसन मुल्य सहित लावा मोटरसाइकल साटे सेकजैना बटैलै ।

ओकर साथे उहाँ उ अवसरमे ग्राहकहुक्रे हेलमेट, झोला ओ बाइक कभर जैसिन निःशुल्क सामान प्राप्त करे सेकजैना जनाइल बावै । साथे उहे अवसरमे लाइफ टाइम वारेन्टी सहित दुई बरस निःशुल्क स्पेयर पाट्र्स, इन्जिन तेल सहितके सर्भिस सेवा पैना जनाइल बावै ।
बैशाख १२ गतेसम चल्ना उ मेलामे दुईसयसे ढेर मोटरसाइकल बिक्री कैना लक्ष्य लेहल जनाइल बावै ।