धनगढी, २ बैशाख । नेपाल आदिवासी जननाति पत्रकार महासंघ(फोनिज)के केन्द्रीय अध्यक्षमे लक्की चौधरी निर्विरोध निर्वाचित हुइल बाटै ।
गोरखापत्र अनलाइनके निमित्त सम्पादक रहल चौधरी लुम्बिनी प्रदेशमे सम्पन्न फोनिजके आठौं संघीय अधिवेशनसे सर्वसम्मत अध्यक्षमे निर्वाचित हुइल हुइट । औरे उम्मेदवार अमरध्वज लामा उम्मेदवारी फिर्ता लेहलपाछे चौधरी अध्यक्षमे निर्विरोध निर्वाचित हुइल हुइट ।
विगत १६ बरससे गोरखापत्रमे आवद्ध उहाँ गोरखापत्र संस्थानके सञ्चालक समिति समस्य समेत हुइट । धनगढी उपमहानगरपालिका वडा नम्बर ५ जाई कैलाली निवासी चौधरी उहीसे आघे फोनिजके वरिष्ठ उपाध्यक्ष रहिट । समाजशास्त्र, राजनीति शास्त्रमे स्नातकोत्तर करल चौधरी पत्रकारितामे दर्शनाचार्य (एमफील) मे अध्ययनरत रहल बाटै ।
फोनिजके अध्यक्ष सहितके कुछ पदाधिकारी निर्विरोध निर्वाचित हुइलेसे फेन कुछ पदाधिकारी सहित खुला केन्द्रीय सदस्यके लाग निर्वाचन हुइल रहे । अधिवेशनसे वरिष्ठ उपाध्यक्षमे सरु राना, उपाध्यक्ष (खुल्ला) विश्वराज तामाङ, उपाध्यक्ष (महिला) अञ्जना शिल्पकार, उपाध्यक्ष (संस्थागत) अर्जुन जम्नेली राई, उपाध्यक्ष अल्पसंख्यक यमन राईडोने, महासचिव समीर बलामी निर्वाचित हुइल बाटै ।
ओस्टके खुल्ला सचिवमे मिलन गाहा मगर, सन्दिप कुमार श्रेष्ठ, एमबी आस्था मगर रहल बाटै । संस्थागत सचिव सुनिल महर्जन, सचिव (महिला) माला पालुङवा लिम्बु, सचिव (महिला) मिला दराई, कोषाध्यक्ष अर्जुनबहादुर तामाङ, सह–कोषाध्यक्ष लक्ष्मी स्याङतान (कमला) निर्वाचित हुइल बाटै ।
फोनिजके सुदूरपश्चिम प्रदेश इन्चार्जमे रामलखन चौधरी, कोशी प्रदेश इन्चार्ज राजेन्द्र दुष्ट, मधेश प्रदेशमे इन्चार्ज शंकरलाल श्रेष्ठ, बागमती इन्चार्जमे सुरेन्द्रभक्त श्रेष्ठ, गण्डकी इन्चार्जमे रुद्र श्रीस, लुम्बिनी इन्चार्जमे गजेन्द्र गुरुङ, कर्णाली इन्चार्जमे रत्न सुनुवार चयन हुइल बाटै । सदस्यमे अतित योङहाङ, प्रदिपकुमार चौधरी, प्रज्वल श्रेष्ठ, प्रविण श्रेष्ठ, निरज रञ्जित, अमिर लामा चयन हुइल बाटै । संस्थागत सदस्यमे प्रदिपकुमार लेखी, साहिला तामाङ, दानबहादुर गुरुङ, श्याम राना मगर, सुरजवीर बज्राचार्य, महिला सदस्यमे विनु चेम्जोङ, रत्ना गुरुङ, सरस्वती श्रेष्ठ, प्रतिमा चौधरी, मिक्साङ वाईबा तामाङ, सुप्रिया राई, भुमिका फियाक लिम्बु ओ रिया आले निर्वाचित हुइल बाटै ।
अल्पसंख्यक सदस्यमे संगीता चेपाङ ओ प्रितम भूजेल, विदेश सदस्य विनोद श्रेष्ठ, लेखा समिति संयोजकमे गजेन्द्र राई ओ सदस्यमे प्रविणकुमार गाहा निर्वाचित हुइल बाटै ।