३२ असार २०८१, सोमबार July 15, 2024

कैलारीके हिउँदे अधिवेशनमे पाँच विद्येयकके मस्यौदा प्रस्तुत

४ फाल्गुन २०७९, बिहीबार
कैलारीके हिउँदे अधिवेशनमे पाँच विद्येयकके मस्यौदा प्रस्तुत

हुसुलिया । कैलाली जिल्ला कैलारी गाउँपालिकाके आर्थिक बर्ष २०७९/०८० के हिउँदे (विधेयक) गाउँसभा अधिवेशनके दुसरा बैठकमे पाँच विद्येयकके मस्यौदा प्रस्तुत कैगिल बा ।
गाउँपालिका अध्यक्ष राजसमझ चौधरीके अध्यक्षतामे आज बैठल बैठकमे विधेयक समितिके संयोजक विकास चौधरी पाँच ठो विधेयक पेश करले बटै ।
गाउँपालिकाके हिउँदे अधिवेशनके दुसर बैठकमे कैलारी गाउँपालिकाके खानेपानी तथा सरसफाई उपभोक्ता समिति व्यवस्थापन कार्यविधि २०७९, सामाजिक सुरक्षा वितरण कार्यविधि २०७९, फोहोर मैला व्यवस्थापन ऐन २०७९, न्यायिक समिति संचालन कार्यविधि ऐन (पहिलो संशोधन) २०७९ ओ कैलारी गाउँपालिकाके स्वास्थ्य नीति २०७९ प्रस्तुत प्रस्तुत कैगिल गाउँपालिकाके प्रवक्ता दिपेन्द्रबहादुर बम बटैलै ।


प्रस्तुत कैगिल बिधेयकउप्पर दफावार अध्ययन छलफल करके अइना फागुन १२ गते बैठना बैठकसे पास कैना प्रवक्ता तथा वडा नम्बर ७ के वडा अध्यक्ष बम बटैलै ।
बैठकमे गाउँपालिका उपाध्यक्ष भगवतीकुमारी चौधरी, प्रमुख प्रशासकीय अधिकृत विरबहादुर ऐर, वडा अध्यक्षहुक्रे, कार्यपालिका सदस्यहुकनके सहभागिता रहे ।