हसुलिया । कैलालीके कैलारी गाउँपालिकामे कैलाली एकिकृत उत्थान कार्य संजाल (किरण) नेपालसे संचालन करल मोटरसाइल मर्मत ओ विद्युत वाइरिङ तालिमके अनुगमन कैगिल बा ।

कैलारी गाउँपालिका स्तरीय अनुगमन समुहके संयोजक भगवतीकुमारी चौधरीके नेतृत्वमे किरण नेपालसे संचालन करल तालिमके अनुगमन कैगिल हो । अनुगमनके क्रममे उहाँ यूवाहुकनहे मन लगाके तालिम सिख्ना आग्रह करली ।

कैलारी गाउपालिकाके आर्थिक सहयोगमे क्षमता विकास तथा युवा स्वरोजगार कार्यक्रम अन्तर्गत ४५ दिने निः शुल्क मोटरसाईकल मर्मत तथा विद्युत जडान तालिम पुस ६ गतसे सुरु हुइल किरण नेपालके अध्यक्ष अमृतचन्द्र चौधरी बटैलै ।

तालिम संचालनके लाग गाउँपालिकासे १० लाख रुप्या सहयोग करले बा । गाउँपालिका स्तरीय अनुगमनमे वडा नम्बर ६ के वडा अध्यक्ष प्रेमबहादुर चौधरी, योजना शाखा प्रमुख सन्तोषकुमार चौधरीलगायत अनुगमन टोलीके सदस्यहुकनके सहभागिता रहे ।