२० माघ २०७९, शुक्रबार February 3, 2023

उदासीपुर स्वास्थ्य केन्द्रमे सिकलसेल मेसिन सेवा सुरु, अध्यक्ष चौधरीसे उद्घाटन

१७ पुष २०७९, आईतवार
उदासीपुर स्वास्थ्य केन्द्रमे सिकलसेल मेसिन सेवा सुरु, अध्यक्ष चौधरीसे उद्घाटन

हसुलिया । कैलालीके कैलारी गाउँपालिका–८ उदासीपुर प्राथमिक स्वास्थ्य केन्द्रमे सिकलसेलके मेसिन उदघाटन करटी सेवा सुरु फेन हुइल बा ।
सिकलसेल मेसिनके अँटवारके रोज उदघाटन कैलारी गाउँपालिकाके अध्यक्ष राजसमझ चौधरीके एक कार्यक्रमके विच करल रहिट । उ मेसिनके उदघाटन करटी उहाँ कैलारीमे ९५ प्रतिशत थारु समुदायके बासोबास रहल ओ सिकलसेल रोग थारु समुदायमे ढेर डेखा परटी रहल ओरसे चेकजाँचमे सहजुल होए कहटी मेसिन नानके चेकजाँच सुरु करल बटैलै ।
सिकलसेल रोग लागल व्यक्तिहुकनहे ढेर रगत चाहल ओरसे यी पालिकाके जौनफे विमारी नेपाल रेडक्रस सोसाइटीमार्फत निशुल्क रगतके व्यवस्था मिलाइलफे कार्यक्रमके वडका रहल गाउँपालिका अध्यक्ष बटैलै ।
कार्यक्रमके विशिष्ट पहुना सामाजिक विकास संयोजक तथा वडा नम्बर ३ के वडा अध्यक्ष सन्तराम चौधरी रहिट । वडा नम्बर ८ के वडा अध्यक्ष तारामल कठरियाके अध्यक्षतामे हुइल कार्यक्रममे । कैलारी गाउँपालिकामे हालसम स्वास्थ्य शाखा प्रमुख नरेश चौधरी, वडा सदस्य, कर्मचारीहुकनके सहभागिता रहे ।