धनगढी, ८ सावन । खाद्य प्रविधि तथा गुण नियन्त्रण कार्यालय धनगढी कैलालीसे आर्थिक बर्ष २०८२/०८३ के चौथो त्रैमासिक तथा वार्षिक प्रगति सार्वजनिक करले बा ।
शुकके रोज रोज धनगढीमे खाद्य प्रविधि तथा गुण नियन्त्रण कार्यालय, धनगढी ओ मातहतके खाद्य प्रविधि तथा गुण नियन्त्रण डिभिजन कार्यालय (डडेल्धुरा, डोटी ओ बैतडी) से आव २०८२/०८३ के चौथो त्रैमासिक तथा वार्षिक प्रगति सार्वजनिक कैगिल हो । उ अवधिमे खाद्य तथा दाना उद्योग अनुगमन, सिफारिस, अनुज्ञापत्र जारी तथा नवीकरण करल कार्यालय प्रमुख हरेराम प्रधान जनैलै ।
उ अवधिमे कार्यालयसे ६० ठो खाद्य उद्योगके अनुमित पत्र जारी करल, ८३ ठो खाद्य उद्योगके अनुमतिपत्र नवीकरण करल ओ ६९ ठो उद्योग स्थापनाके लाग सिफारिस ओ १६ उद्योगके अनुमतिपत्र खारेज करल उहाँ जनैलै ।
उहे अवधिमे १४३ दिनमे एक हजार २६ ठो खाद्य उद्योग तथा दाना उद्योग, पसल, गोदाम, हाटबजार, मेला महोत्सव, होटल रेष्टुरेन्ट, फलफुल तरकारी पसल लगायतके अनुगमन निरिक्षण तथा करल बा ।
खाद्य बजार तथा होटल रेस्टुरेन्ट अनुगमन अन्र्तगत बजारमे विकी हुइना ओ होटल रेस्टुरेन्टमे तयार कैना खाद्य पदार्थके स्वच्छता ओ गुणस्तर नियमनओर आ.व( २०८२/०८३ के चौथो त्रैमासिक अवधिमे खाद्य निरिक्षक, स्थानीय निकायके सहकार्य ओ संयुक्त अनुगमन टोलीसे ३६८ ठो खाद्य बजार, पसलके अनुगमन कैगिल बा । ३५२ ठो होटल रेस्टुरेन्टके अनुगमन, २२३ ठो खाद्य तथा दाना उद्योग अनुगमन, १६ ठो फलफुल तरकारी पसल, ४४ ठो हाटबजार, मेला महोत्सवके स्टल ओ २३ ठो फार्मेसी, डायटरी सप्लिमेन्ट पसलके अनुगमन करल जनाइल बा ।
अनुगमनके क्रममे पसल तथा होटल रेस्टुरेन्टहे स्वच्छता सुधारके लाग परामर्श डेना ओ उपभोग्य अवधि समाप्त हुइल तथा गुणस्तरहीन खाद्य वस्तु जफत करके नष्ट कैना ओ आवश्यक कारवाही प्रकृया आघे बह्राके नियमन कार्य करके बजार तथा होटलसे विक्री हुइना खाद्य वस्तुके गुणस्तर सुधारमे टेवा पु¥याइल बा ।
अनुगमनके क्रममे भेटागैल उपभोग्य मिति ओराइल, मिसावट करल, खाद्य स्वच्छता कायम नैरहल, दुषित तथा न्यूनस्तरके पाँच लाख, १५ हजार, ९५८ रुपिया बराबरके ाखाद्य पदार्थ जफत कैके नष्ट करल जनाइल बा । उ खाद्य पदार्थमे पाउरोटी, डुनट, अखाद्य रंग, कोला, मिठाइ, सस, मसला, रंग मिलाइल दाल, सुजी, मह, चाउर, विषादीके अवशेष रहल आम ओ दुध रहल बा ।
खाद्यान्न ओ दानाके नमुना संकलन ओर खाद्य ऐन तथा दाना ऐन अनुरुप खाद्य निरिक्षक तथा दाना निरिक्षकसे उद्योग, बजार तथा होटल रेस्टुरेन्ट अनुगमन कैना क्रममे शंकास्पद नमूना सकलन करके ऐन अनुरुप कारवाही प्रकया आघे बह्राइल फेन जनाइल बा ।
उहे सन्दर्भमे उ अवधिमे कार्यालयसे १०२ ठो खाद्य नमूना संकलन, २९९ ठो खाद्य स्वच्छता सर्भिलेन्सके लाग नमुना संकलन, ४१२ ठो टिनाटावन तथा फलफुलमे विषादीके अवशेष परिक्षणके लाग नमुना संकलन, ओ २० ठो ऐन बमोजिम दाना नमुना संकलन करल प्रमुख प्रधान जनैलै ।
ओस्टके उहे अवधिमे दुई हजार १२ ठो नमुना विश्लेषण करलमध्ये १४५ ठो नमुना प्रतिकुल पाइल बा । कलेसे खाद्य स्वच्छता तथा गुणस्तर तथा दाना ऐन अनुरुप कारवाही ओर खाद्य स्वच्छता तथा गुणस्तर तथा दाना ऐन अनुरुप संकलन करल नमूनामध्ये प्रतिकुल पाइल नमूना उपर कारवाही प्रकृया आघे बढाइल जनाइल बा ।
राजश्व संकलन तथा वित्तिय प्रगतिओर उ अवधिमे कार्यालयमे प्राप्त नमूनाके विश्लेषण दस्तुर तथा अनुज्ञापत्र जारी, नवीकरण ओ सिफारिस दस्तुर बापत रु १८ लाख ५२ हजार ५११ राजश्व संकलन करल जनाइल बा ।
उहे बिच डिभिजन कार्यालय डडेल्धुराके प्रमुख राजेन्द्र घिमिरे, डोटीके ललित कठायत ओ वैतडीके विक्रम श्रेष्ठ आपन कार्यलयसे सम्पादन हुइल प्रगति विवरण प्रस्तुत करल रहिट ।
कार्यक्रम कृषि तथा पशुपन्छी विकास मन्त्रालय खाद्य प्रविधि तथा गुण नियन्त्रण विभाग खाद्य प्रविधि तथा गुण नियन्त्रण कार्यालय धनगढीके टंक प्रसाद ओझा कार्यक्रम सञ्चालन करल रहिट ।