धनगढी, २८ पुस । थारु बहुल गाउँपालिका कैलारीमे माघ (माघी)के अवसरमे माघ ३ गतेसम बिदा डेना निर्णय करले बा ।
आज पुस २८ गते बैठल हिउँदे गाउँसभासे माघ २ गतेसे माघ ३ गतेसम बिदा डेना निर्णय करल हो । गाउँपालिकासे एक सूचना जारी कैटी माघ ३ गतेसम गाउँपालिकाके कार्यलय तथा मातहतके कार्यालय ओ शैक्षिक संस्थामे स्थानीय बिदा डेहल जानकारी कराइल बा ।
सुदूरपश्चिम प्रदेश सरकारसे पुस २९ गते सार्वजनिक बिदा डेना निर्णय करल ओ माघ १ गते संघीय सरकारसे सार्वजनिक बिदा डेहल ओरसे माघ २ ओ ३ गते गाउँपालिकासे बिदा डेहल जनाइल बा ।