कैलाली । धनगढीमा थारु सांस्कृतिक संग्रहालयको स्थापना गरिएको छ । धनगढी उपमहानगरपालिका वडा नम्बर ७ पटेला गाउँमा स्थापना गरिएको पटेला थारु सांस्कृतिक संग्रहालयको शुक्रबार उपमहानगरपालिकाका प्रमुख नृप बहादुर वड, उपप्रमुख शुसिला मिश्र भट्ट र वडा अध्यक्ष सीताराम रानाले संयुक्त रुपमा उद्घाटन गरेका छन् ।

उद्घाटन कार्यक्रमलाई सम्बोधन गर्दै नगर प्रमुख वडले ९८ प्रतिशत थारु जातीको मात्रै बसोबास रहेको पटेला गाउँमा थारु संग्रहालय स्थापना हुनु आफैमा गर्वको कुरा रहेको बताए । उनले धनगढी बजारबाट नजिकै रहेको संग्रहालय हेर्न आउने वातावरण बनाउन आफुले सक्दो सहयोग गर्ने बताउदै पटेला गाउँमा होमस्टे निर्माणका लागि उपमहानगरपालिकाले पहल थाल्ने बताए ।
नगर उपप्रमुख भट्टले थारु कलासंस्कृतीको जगेर्ना गर्न संग्रहालयले महत्त्वपूर्ण भुमिका खेल्नै भन्दै संग्रहालय हेर्न आउने आन्तरिक तथा बाह्य पर्यटकलाई थारु जाती बारे विभिन्न जानकारी दिन सहयोग पु¥याउने बताइन् ।
संग्राहलयमा थारु जातिको विभिन्न रहनसहन, सांस्कृतिक झल्कने लुगाकपडा, पुराना गरगहना लगायत सामाग्रीहरु संग्रहालयमा राखिएका छन् ।