१० बैशाख २०८१, सोमबार April 22, 2024

खाद्यसे सुपथ मूल्य पसल सञ्चालन

७ आश्विन २०७९, शुक्रबार
खाद्यसे सुपथ मूल्य पसल सञ्चालन

धनगढी । खाद्य व्यवस्था तथा व्यापार कम्पनी लिमिटेडके प्रदेश कार्यालय धनगढीसे टरटिहुवारहे लक्षित कैके धनगढीमे सुपथ मूल्य पसल सञ्चालनमे लन्ले बा ।
खाद्यसे धनगढीके मोहनपुरस्थित आपन गोदाम ओ धनगढी कार्यालय परिसरमे सुपथ मूल्य पसल सञ्चालन करले बा । सुपथ मूल्य पसलसे उपभोक्ताहे सहुलिय मूल्यमे चाउर उपलब्ध करैना व्यवस्था करल खाद्य व्यवस्था तथा व्यापार कम्पनी लिमिटेड धनगढीके प्रमुख इन्जिला बस्नेत जानकारी डेली । खाद्यसे चाउरमे प्रतिकिलो सात रुपैयाँ छुट डेना व्यवस्था करले बा । डशै, डेवारी छठ जैसिन बरवार टरटिहुवारमे सर्वसाधारणहे सहुलियत मूल्यमे खाद्यान्न उपलब्ध कराके सहुलियत डेहक लाग सुपथ मूल्य पसल सञ्चालन करल उहाँ बटैली ।
प्रतिक्वीन्टल चार हजार छ सय पर्ना मोटा चाउर खाद्यके पसलसे तीन हजार नौ सय रुपैयाँमे बिक्री हुइटी रहल बा । ओस्टके प्रतिक्वीन्टल छ हजार सात सय पर्ना मसिना चाउर छ हजारमे ओ प्रतिक्वीन्टल ११ हजार पर्ना बास्मती चाउर १० हजार तीन सय रुपैयाँमे बिक्री हुइटी रहल कार्यालय प्रमुख बस्नेत जानकारी डेली ।
साल्ट टे«डिङ्गसे सञ्चालन कैना सुपथ मूल्य पसलमे फेन सहुलियत मूल्यमे चाउर बिक्रीके व्यवस्था कैना उहाँ बटैली ।