३२ असार २०८१, सोमबार July 15, 2024

विपद्मामे उद्धार ओ राहतके लाग हाई अलर्टमे रहना मुख्यमन्त्रीके निर्देशन

२७ असार २०८०, बुधबार
विपद्मामे उद्धार ओ राहतके लाग हाई अलर्टमे रहना मुख्यमन्त्रीके निर्देशन

धनगढी, २७ असार । सुदूरपश्चिम प्रदेशके मुख्यमन्त्री कमलबहादुर शाह सुदूरपश्चिम प्रदेशमे हुइ सेक्ना सम्भावित विपद्के विषयमे चनाख रहना निर्देशन डेले बाटै ।
उहाँ ओकर लाग सक्कु मातहतके निकायहे हाई अलर्टमे बैठ्ना निर्देशन डेले बाटै । मुख्यमन्त्री तथा मन्त्रिपरिषद् कार्यालयमे बुधके बैठm प्रदेश विपद् व्यवस्थापन कार्यकारी समितिके बैठकमे उहाँ सरकारके निकायहे विपद्से हुइ सेक्ना क्षति रोक्न, उद्धार ओ राहतमे कार्यमे खट्ना निर्देशन डेहल हुइट ।
मनसुन सुरु होसेकल ओरसे प्रदेशमे प्राकृतिक प्रकोपके घटना घटे सेक्ना कहटी मुख्यमन्त्री शाह चिन्ता व्यक्त करल रहिट । उहाँ ओइसीन अवस्थामे ढिला नैकैके उद्धार ओ राहतके लाग खट्ना निर्देशन डेहल हुइट ।
बैठकमे प्रदेश सरकारके प्रमुख सचिव, मन्त्रालयके सचिव, नेपाल प्रहरी, सशस्त्र प्रहरी ओ नेपाली सेनाके प्रदेश प्रमुखके सहभागिता रहल रहे । सहभागीहे मुख्यमन्त्री शाह विपद् जोखिम प्रतिकार्य तथा पूर्वतयारीमे रहना निर्देशन डेहल रहिट ।