धनगढी, १८ बैशाख । थारु होमस्टे गाउँ भादामे सुदूरपश्चिम प्रदेश स्तरीय होमस्टे महोत्सव सुरु हुइल बावै ।
धनगढी उपमहानगरपालिका वडा नम्बर १६, स्थित होमस्टे गाउँ भादामे आयोजना करगिल महोत्सवके बिफेक रोज प्रदेश प्रमुख नजिर मियाँ उद्घाटन करले बटै ।
प्रदेशके टमान जातजाति तथा समुदायमे सञ्चालित होमस्टेके बजारीकरण ओ व्यवसायीकरण कैना उद्देश्यसे महोत्सव आयोजना करल हो । प्रदेशमे रहल टमान जातजाति तथा समुदायके परम्परा, संस्कार, संस्कृति, खानपान, भेषभुषा, शिपकला, प्राकृतिक सम्पदा, पर्यटकीय गन्तब्यके प्रचारप्रसार ओ प्रदशेक पहिचानहे होमस्टे पर्यटन व्यवसाय मार्फत राष्ट्रिय तथा अन्तराष्ट्रिय स्तरमे पुगाइक लाग महोत्सवके मुख्य उद्देश्य रहल जनाइल बावै ।

थारु होमस्टे गाउँभादा पर्यटन विकास तथा व्यवस्थापन समितिके आयोजनामे हुइल महोत्सवके प्रवद्र्धकमे प्रदेश पर्यटन विकास कार्यक्रम कार्यान्वयन इकाई धनगढी ओ होमस्टे (घरबास) महासंघ नेपाल सुदूरपश्चिमके समन्वयमे हुइटी रहल बावै ।
इहे बैशाख १८, १९ ओ २० गते तीन दिनसम सञ्चालन हुइना महोत्सव दिपेन्द्र चारपाते माविके खेल मैदानमे हुइटी रहल बावै । महोत्सवके आकर्षकमे हरेक दिन टमान जातजाति तथा समुदायके नाचगान, टमान समुदायके खानाके परिकार, शुक्लाफाँटा राष्ट्रिय निकुञ्जमे जंगल सफारी रहल बावै ।
ओस्टके खेलकूदमे श्लो साइकल रेस, गग्रीफोर, भलाद्मी दौड, पेनाल्टी सुटआउट, स्थानीय तथा राष्ट्रिय कलाकारके प्रस्तुती, थारु हस्तकलाके प्रदर्शनी रहल बावै । महोत्सवमे एकलाख जाने अवलोकन कैना जनाइल बावै ।