३२ असार २०८१, सोमबार July 15, 2024

महिला तथा अपाङता रहल व्यक्तिहे हेर्ना दृष्टिकोण फरक अध्यक्ष चौधरी

२१ बैशाख २०८०, बिहीबार
महिला तथा अपाङता रहल व्यक्तिहे हेर्ना दृष्टिकोण फरक अध्यक्ष चौधरी

हसुलिया । महिला तथा अपाङता रहल व्यक्तिहुकनहे हेर्ना दृष्टिकोण फरक रहल कैलाली गाउँपालिकाके अध्यक्ष राजसमझ चौधरी बटैले बटै ।

कैलारी गाउँपालिकाके आयोजनामे दिगो विकास समाज भजनी ओ वल्र्ड भिजन इन्टरनेशनल नेपालके आर्थिक तथा प्राविधिक सहयोगमे ‘महिला तथा आप्रवासीहरुको आर्थिक पुनस्र्थापना परियोजना’ अन्र्तगत विफेक रोज हसुलियामे हुइल महिला तथा अपाङता रहल व्यक्तिके उद्यमशिलता मार्फत आर्थिक शसक्तीकरण नीतिके मस्यौदा उप्पर छलफल कार्यक्रममे उहाँ उ बाट बत्वाइल हुइट ।

उहाँ कहलै, ‘हमार पालिकामे महिला तथा अपाङता रहल व्यक्तिके उद्यमशिलता मार्फत आर्थिक शसक्तीकरण नीतिके मस्यौदा तयार हुइटा । ओइनहे उद्यमशिलता मार्फत आर्थिक शसक्तीकरणके साथ पालिका सदैव आघे बह्री ।’ महिला तथा अपाङता रहल व्यक्तिफे सपाङ व्यक्ति जस्ते काम करे सेक्ठै, ओइनहे अवसर डेले ओइने आघे बह्रना अध्यक्ष बटैलै ।

कैलारी गाउँपालिकामे तयार हुइल महिला तथा अपाङता रहल व्यक्तिके उद्यमशिलता मार्फत आर्थिक शसक्तीकरण नीतिके मस्यौदा उप्पर जनप्रतिनिधि, सम्बन्धित शाखा प्रमुख तथा प्रतिनिधि, महिला उद्यमी संजाल, कृषि व्यावसायिक सेवा प्रदायक संजाल, अपाङता रहल व्यक्तिके संजालविच समुहगत छलफल कैगिल बा । समुहगत छलफलसे विशेष महिलाहुकनहे अनुदानके व्यवस्था करेपर्ना, सार्वजनिक भवन अपाङगता मैत्री हुई पर्ना, क, ख वर्गके महिला तथा अपाङगता रहल व्यक्ति व्यवसाय करे नइसेक्लेसे ओइनके परिवारहे प्रोत्साहन करे पर्नालगायत टमान सुझाव डेहल बा ।

दिगो विकास समाज भजनीके अध्यक्ष रामबहादुर सुनार महिला तथा अपाङता रहल व्यक्तिके उद्यमशिलता मार्फत आर्थिक शसक्तीकरण नीति कार्यान्वयन कैना जरुरी रहल बटैलै ।

कार्यक्रममे दिगो विकास समाजके महिला तथा आप्रवासीहरुको आर्थिक पुनस्र्थापना परियोजना रतन विक, वल्र्ड भिजन इन्टरनेशल नेपालके परियोजना लिड दिलिप चन्द्र ढकाल सहजीकरण करल रहिट । कलेसे मस्यौदाबारे सहजीकरण सहजकर्ता भीमराज अवस्थी ओ धनबहादुर ऐर करल रहिट ।

कार्यक्रममे कैलारी गाउँपालिकाके उपाध्यक्ष भगवतीकुमारी चौधरी, प्रमुख प्रशासकीय अधिकृत विर बहादुर ऐर, वडाअध्यक्ष, कार्यपालिका सदस्यहुकनके सहभागिता रहे । कार्यक्रमके संचालन कैलारी गाउँपालिकाके सामाजिक विकास शाखाके प्रमुख यगम कलेल करल रहिट ।