१९ फाल्गुन २०८०, शनिबार March 2, 2024

व्यक्तिगत घटना दर्ता सप्ताह सम्पन्न

७ बैशाख २०८०, बिहीबार
व्यक्तिगत घटना दर्ता सप्ताह सम्पन्न

हसुलिया, ७ बैशाख । कैलारी गाउँपालिकामे जारी व्यक्तिगत घटना दर्ता सप्ताह सम्पन्न हुइल बा ।
बिफेक रोज वडा नम्बर १ मे प्रभातफेरी ओ अन्तक्रिया कार्यक्रम पश्चात सप्ताहके समापन करगिल हो । कार्यबाहक वडा अध्यक्ष तुलसी प्रसाद चौधरीके अध्यक्षतामे हुइल कार्यक्रममे वडा सचिव मञ्जु अधिकारी, पञ्जीकरण शाखा प्रमुख दयाराम चौधरी, फिल्ड सहायक अनुषा चौधरी ओ निलम चौधरी व्यक्तिगत घटना दर्ता सप्ताह ओ समयमे व्यक्तिगत घटना दर्तासे हुइना फाइदाबारे जानकारी कराइल रहिट ।
बुधके रोज वडा नम्बर ५ ओ ७ मे व्यक्तिगत घटना दर्ता बारे प्रभातफेरी ओ अन्तरक्रिया करगिल रहे । वडा नम्बर ५ के वडा अध्यक्ष विष्णु प्रसाद चौधरीके अध्यक्षतामे हुइल कार्यक्रममे वडा सचिव सोनु चौधरी व्यक्तिगत घटना दर्ताबारे जानकारी कराइल रहिट ।


ओस्टके वडा नम्बर ७ मे वडा सदस्य तुनीराम चौधरीके अध्यक्षतामे फेन कार्यक्रम हुइल रहे । वडा सचिव चन्द्र चौधरी सहभागीहुक्रनहे व्यक्तिगत घटना दर्ता ओ वडा कार्यालयसे प्रवाह हुइना सेवाबारे जानकारी डेहल रहिट ।
उहीसे आघे मंगरके वडा नम्बर २, ३, ४, ६, ८ ओ ९ वडामे प्रभातफेरी सहित अन्तरक्रिया कार्यक्रम करसेकल बा ।
बैशाख ३ गतेसे गाउँपालिकाके वडा नम्बर ६ ओ ९ से व्यक्तिगत घटना दर्ता सप्ताह सुरु हुइल रहे । व्यक्तिगत घटना दर्ता सप्ताहमे व्यक्तिके कानुनी पहिचान ओ राज्यसे प्रवाह हुइना टमान सेवा प्राप्तीके लाग जन्म, मृत्यु, विवाह, बसाइँसराइ, सम्बन्ध विच्छेद लगायतके व्यक्तिगत घटना दर्ताबारे जानकारी करागिल रहे ।
नेपाल सरकार तथा गृह मन्त्रालय राष्ट्रिय परिचयपत्र तथा पञ्जीकरण विभाग अन्र्तगत बैशाख १ गतेसे ७ गतेसम व्यक्तिगत घटना दर्ता सप्ताह सक्कु स्थानीय तहमे सञ्चालन हुइल रहे ।
व्यक्तिके कानूनी पहिचान स्थापित कैना, राज्यहे नीति निर्माण कैना ओ राज्यसे प्रवाह हुइना सेवा प्राप्तीके लाग व्यक्तिगत घटना दर्ता आवश्यक रहल ओरसे उ सम्बन्धी जनचेतना अभिवृद्धि करक लाग प्रत्येक बरस बैशाख महिनाके पहिल अँठ्वार व्यक्तिगत घटना दर्ता सप्ताह मनैटी आइल बा ।