हसुलिया । व्यक्तिगत घटना दर्ता सप्ताह अन्र्तगत कैलालीके कैलारी गाउँपालिकामे फेन व्यक्तिगत घटना दर्ता सप्ताह सुरु हुइल बा ।
मंगरके गाउँपालिकाके वडा नम्बर ३ ओ ४ मे व्यक्तिगत घटना दर्ताबारे प्रभातफेरी ओ अन्तरक्रिया कार्यक्रम करगिल बा । ओस्टके सोम्मारके रोज वडा नम्बर २ ओ ८ मे फेन उ कार्यक्रम करगिल बा ।
वडा नम्बर ३ मे वडा अध्यक्ष सन्तराम चौधरीके अध्यक्षतामे कार्यक्रम हुइल रहे कलेसे वडा सचिव दयाराम चौधरी व्यक्तिगत घटना, सामजिक सुरक्षा बारे जानकारी कराइल रहिट । वडा नम्बर ४ मे वडा अध्यक्ष ठागुराम चौधरीके अध्यक्षतामे कार्यक्रम हुइल रहे कलेसे वडा सचिव श्रीप्रसाद चौधरी व्यक्तिगत दयाराम चौधरी व्यक्तिगत घटना, सामजिक सुरक्षा बारे जानकारी कराइल रहिट । वडा नम्बर ४ मे वडा अध्यक्ष ठागुराम चौधरीके अध्यक्षतामे कार्यक्रम हुइल रहे कलेसे वडा सचिव श्रीप्रसाद चौधरी व्यक्तिगत घटना, सामाजिक सुरक्षा तथा वडासे प्रवाह हुइना सेवा सुविधाके बारेमे जानकारी कराइल रहिट ।

ओस्टके वडा नम्बर २ मे वडा अध्यक्ष विकास चौधरीके अध्यक्षतामे हुइल कार्यक्रमके बारेम वडा सचिव हिरा ठकुल्ला कार्यक्रमके सहभागीहुक्रनहे समयमे व्यक्तिगत घटना दर्ता करैलेसे हुइना फाइदाके बारेम जानकारी डेहल रही ।
वडा नम्बर ८ मे वडा अध्यक्ष तारामल कठरियाके अध्यक्षतामे हुइल कार्यक्रममे वडा सचिव तुलसी चौधरी व्यक्तिगत घटना दर्ताबारे जानकारी कराइल रहिट । अँट्वारके वडा नम्बर ६ ओ ९ से व्यक्तिगत घटना दर्ता सप्ताह सुरु हुइल रहे । वडा नम्बर ६ के वडा अध्यक्ष प्रेम बहादुर चौधरीके अध्यक्षतामे हुइल कार्यक्रममे पञ्जीकरण शाखा प्रमुख दयाराम चौधरी कार्यक्रमके उद्देश्यबारे जानकारी कराइल रहिट ।
वडा सचिव अनन्त राम कडेल सहभागीहुक्रनहे व्यक्तिगत घटना दर्ताबारे जानकारी कराइल रहिट । उहाँ व्यक्तिके कानुनी पहिचान ओ राज्यसे प्रवाह हुइना टमान सेवा प्राप्तीके लाग जन्म, मृत्यु, विवाह, बसाइँसराइ, सम्बन्ध विच्छेद लगायतके व्यक्तिगत घटना घटना घटल ३५ दिन भित्रे आपन वडा कार्यालयमे दर्ता कैना आग्रह करल रहिट । ओस्टके उहाँ सामाजिक सुरक्षाके बारेम फेन जानकारी कराइल रहिट ।
उहे दिन वडा नम्बर ९ मे फेन उक्त कार्यक्रम हुइल रहे । वडा सदस्य धनबहादुर रानाके अध्यक्षतामे हुइल कार्यक्रममे वडा सचिव ठागुराम चौधरी व्यक्तिगत घटना दर्ताबारे जानकारी कराइल रहिट ।
कार्यक्रममे जनप्रतिनीधी, बरघर भलमन्सा, स्वाथ्य चौकी शाखा प्रमुख, महिला स्वास्थ्य स्वयम सेविका, फिल्ड सहायक अनुषा चौधरी, निलम चौधरी लगायतके उपस्थिति रहल रहे ।
नेपाल सरकार तथा गृह मन्त्रालय राष्ट्रिय परिचयपत्र तथा पञ्जीकरण विभाग अन्र्तगत बैशाख १ गतेसे ७ गतेसम व्यक्तिगत घटना दर्ता सप्ताह सक्कु स्थानीय तहमे सञ्चालन हुइल बा ।
व्यक्तिके कानूनी पहिचान स्थापित कैना, राज्यहे नीति निर्माण कैना ओ राज्यसे प्रवाह हुइना सेवा प्राप्तीके लाग व्यक्तिगत घटना दर्ता आवश्यक रहल ओरसे उ सम्बन्धी जनचेतना अभिवृद्धि करक लाग प्रत्येक बरस बैशाख महिनाके पहिल अँठ्वार व्यक्तिगत घटना दर्ता सप्ताह मनैटी आइल बा ।