२ असार २०८१, शनिबार June 15, 2024

दर्शकसे मजा प्रतिक्रिया पैटी ‘फुला मैयाके’ म्यूजिक भिडियो

१८ चैत्र २०८०, आईतवार
दर्शकसे मजा प्रतिक्रिया पैटी ‘फुला मैयाके’ म्यूजिक भिडियो

धनगढी, १८ चैत । थारु म्युजिक भिडियो ‘फुला मैयाके’ दर्शकहुक्रनसे मजा प्रतिक्रिया पैटी रहल बा । शनिच्चरके रोज यूट्युव प्लेटफर्ममे सार्वजनिक हुइल म्युजिक भिडियो दर्शकदिर्घाहुक्रनसे मजा प्रतिक्रिया पाइल हो । सार्वजनिक हुइनासे आघे धनगढीमे रहल एसटिएस सलिमा हलमे म्युजिक भिडियो प्रदर्शन करगिल रहे ।
थारु म्युजिक भिडियो पहिल चो सलिमा हलमे प्रदर्शन हुके यूट्युव च्यानलसे सार्वजनिक हुईल राष्ट्रिय थारु कलाकार मंच प्रदेश ७ के कोषाध्यक्ष राजु चौधरी (राज) जानकारी डेलै ।
आदर्श महतोसे निर्देशित म्युजिक भिडियोके मुख्य कलाकार ममता चौधरी ओ फुलराम चौधरी रहल बाटै । ओस्टके सहायक कलाकारमे राजु चौधरी (राज) ओ रामु चौधरी रहल बाटै ।
सुमन चौधरीके शब्द रहल गीतमे गायक आरके थारु ओ समिक्षा चौधरीके स्वर रहल बा । ओस्टके गीतमे संगीत आरके थारु भरले बाटै कलेसे अरेन्जरमे गणेश चौधरी रहल बाटै ।
स्टुडियो ध्वनिक नेपाल क्यामेरा÷सम्पादक दया चौधरी, मुआ सानु कुश्मीके रहल बा । सेबिल इन्टरटेनमेन्टसे सार्वजनिक हुइल म्युजिक भिडियोहे दर्शकहुक्रे मन परैनाके साथे भ्युज मजा अइटी रहल बा ।