१९ फाल्गुन २०८०, शनिबार March 2, 2024

पल शाहहे उच्च अदालतसे सफाइ

१४ फाल्गुन २०७९, आईतवार
पल शाहहे उच्च अदालतसे सफाइ

काठमाडौं । अभिनेता पल शाहहे उच्च अदालत पोखरा सफाइ डेले बा । जिल्ला अदालत नवलपुरसे करल फैसलाउपर पलसे करल पुनरावेदनमे उच्च अदालतसे अभियोग दावी नैपुग्ना ठहर करल हो । इ फैसलासँगे पल शाह एक बरसपाछे जेलमुक्त हुइना हुइल बाटै ।
उच्च अदालत पोखरासे अँट्वारके पुनरावेदन सुनुवाई कैटी अभियोग दावी नैपुग्ना ठहर करल हो । इहीसे आघे नवलपुर जिल्ला अदालतसे शाहहे बाल यौन दुर्व्यवहारमे दोषी ठहर कैटी साढे २ बरस कैद सजाय करल रहे ।
बलात्कारके अभियोग दर्ता हुइलेसे फेन नवलपुर जिल्ला अदालतसे बाल यौन दुर्व्यवहारमे दोषी ठहर करल रहे । तनहुँ जिल्ला अदालतसे भर शाहहे निर्दोष ठहर करल रहे । अक्के व्यक्ति शाहविरुद्ध दुई जिल्लामे बलात्कारके उजुरी डेहल रही ।
प्रहरीमे बलात्कारके उजुरी डेहल जाहेरवाला अदालतमे भर उजुरी झुटा रहल बकपत्र करल रही । शाह एक बरस यहोर कारागारमे रहल बाटै ।