२ असार २०८१, शनिबार June 15, 2024

एभरेष्ट एकेडेमीको दोश्रो जित

४ फाल्गुन २०७८, बुधबार
एभरेष्ट एकेडेमीको दोश्रो जित

धनगढी । धनगढी मेयर लिटल फ्लावर प्रिमियर लिग विद्यालय स्तरीय अन्डर–१९ क्रिकेट प्रतियोगिता अन्तर्गत तेश्रो दिन सम्पन्न पहिलो खेलमा एभरेष्ट एकेडेमी अत्तरियाले दोश्रो जित दर्ता गर्ने क्रममा सैनिक आवासीय मावि अत्तरियालाई ६ विकेटले पराजित गरेको छ।

धनगढी स्थित संघीय प्रहरीको खेल मैदानमा सम्पन्न खेलमा सैनिक आवासीय माविले दिएको १०४ रनको लक्ष्य एभरेष्ट एकेडेमीले १६ ओभरमा ४ विकेट क्षेतीमा भेटायो।

एभरेष्ट एकेडेमीको लागि रितिक थापाले सर्वाधिक ४२ रन बनाए जुन क्रममा ३६ बलमा ३ चौका र १ छक्का प्रहार गरे। यस्तै कृष ऐरले अविजित २९ रन बनाए। रितिक र कृषले पाँचौ विकेटको लागि अविजित ६० रनको साझेदारी गरे। सैनिक आवासीयका बलर आकाश चन्दले दुई तथा खडक बोहरा र गौतम केसीले समान एक विकेट लिए।
यस अघि टस जितेर ब्याटिंग गरेको सैनिक आवासीयले निर्धारित २० ओभरमा ९ विकेट क्षेतीमा १०३ रन बनाएको थियो। उसको लागि गौतम केसीले सर्वाधिक ३१ तथा सगर चन्दले २१ रन बनाए। एभरेष्ट एकेडेमीका बलर गोविन्द बिस्टले सर्वाधिक ३ विकेट, धर्म जोशी र दिपक रोकायाले समान दुई विकेट र कृष ऐरले एक विकेट लिए।
खेलको प्लेयर अफ द म्याच गोविन्द बिस्ट घोषित भए।