२ बैशाख २०८१, आईतवार April 14, 2024

कंचनपुरके कैनपानीमे माघ मिलन सांस्कृतिक कार्यक्रम

११ माघ २०७९, बुधबार
कंचनपुरके कैनपानीमे माघ मिलन सांस्कृतिक कार्यक्रम

सागर कुस्मी
कंचनपुर । कंचनपुर जिल्लाके शुक्लाफाँटा नगरपालिका वडा नम्बर ८ कैनपानी माघ मिलन कार्यक्रम २६४६ हुइल बा ।

कार्यक्रम वडा नम्बर ८ के आर्थिक सहयोग ओ थारु संग्रहालयके आयोजनामे हुइल रहे । हरेक बरस कर्टी आइल इ सालके माघ मिलन कार्यक्रममे थारु समुदायके कैयो गाउँक् मघौटा नाच, झुमरा नाच, हुरडुंगुवा नाच डेखा गैल रहे ।

थारु समुदायके भासा, साहित्य, कला, संस्कृति संरक्षण सम्बर्द्धन कैना उद्देश्यसे हरेक साल माघ महिनामे कार्यक्रम हुइटी आइल थारु संग्रहालयके सचिव भागीराम चौधरी बटैलैं ।

स्थानीय गाउँक लौडिनके आधुनिक नाचसे कार्यक्रम आउर चौकस हुइल रहे । ओस्टेके तमान गायक ओइनके प्रस्तुति फेन रहे । कार्यक्रममे स्थानीय जनप्रतिनिधि, बुद्धिजीवी, समाजसेवी, भलमन्सा लगायत स्थानीय लोगनके सैगर उपस्थितिसे कार्यक्रम गजब जम्कल रहे ।

थारु संग्रहालयके अध्यक्ष पल्टाराम चौधरीके सभाअध्यक्षतामे हुइल कार्यक्रम संचालन चन्द्र प्रसाद पछलडंग्या कैले रहिंट । कार्यक्रममे वडा अध्यक्ष बहादुर महरा, सदस्य जनक चौधरी, गुरुवा हिमाली चौधरी लगायत उपस्थित हुइल रहिंट ।