हसुलिया, १७ अगहन । कैलाली जिल्ला समन्य समितिके प्रमुख टीकाकुमारी चौधरी (भुल) सक्कु स्थानीय तहसे समन्वय कैके आघे बह्रना बटैले बाटी ।
कैलारी गाउँपालिकासे बधाई तथा सम्मान कार्यक्रममे प्रमुख भुल अपने कैलालीके सक्कु स्थानीय तहसंग समन्वय कैके आघे बह्रना बटाइल हुइटी ।
कैलारी गाउँपालिका वडा नम्बर २ से निर्वाचित कार्यपालिका सदस्य रहल उहाँ इहे उपनिर्वाचनसे उहाँ जिल्ला समन्वय समिति कैलालीके प्रमुखमे निर्वाचित हुइल हुइटी ।

उहाँहे गाउँपालिका अध्यक्ष राजसमझ चौधरी, गाउँपालिका उपाध्यक्ष भगवतीकुमारी चौधरी, प्रमुख प्रशासकीय अधिकृत खगेन्द्रराज जोशी, सक्कु वडाके अध्यक्षहुक्रे, कार्यपालिका सदस्यहुक्रे, टमान शाखाके प्रमुख, तथा कर्मचारीहुक्रे नवनिर्वाचित जिसस प्रमुख टीकाकुमारी चौधरीहे बधाई डेटी खादा मालासे सम्मान करल रहिट ।