३ असार २०८१, आईतवार June 16, 2024

पुस १५ को अवसरमा थारु म्युजिक भिडियो ‘पन्छी’ सार्वजनिक हुँदै

१४ पुष २०८०, शनिबार
पुस १५ को अवसरमा थारु म्युजिक भिडियो ‘पन्छी’ सार्वजनिक हुँदै

धनगढी, १४ पुस । पुस १५ को अवसर पारेर थारु भाषाको लोकप्रिय गित “पन्छी“ को म्युजिक भिडियो सार्वजनिक हुने भएको छ ।
सि.एस. फिल्मस् युट्युव च्यानलबाट सार्वजनिक हुने भएको हो । म्युजिक भिडियोमा थारु मेगा स्टार संगत थारु, नायिका तथा मोडेल समु चौधरीको अभिनय रहेको छ । साथै त्यही भिडियो मार्फत दुई जना नयाँ कलाकारको पनि डेभ्यु हुने भएको छ । म्युजिक भिडियोमा अजय राना र स्मिता पछल्डंगियाले नयाँ जोडीको रुपमा डेभ्यु गरेका छन् । यिनिहरुको अभिनय हेर्नका लागि पहिलो पटक प्रकाशन गरेको पोस्टरबाट नै धेरै राम्रोे प्रतिकृया आईरहेको छ ।
पहिलो पटक थारु म्युजिक भिडियोको छायांकन छिमेकी राष्ट्र भारतको रमणिय एवं पर्यटकिय क्षेत्र नैनीतालमा भएको निर्माण पक्षले जनाएको छ ।
अडियोबाटै चर्चा पाएको गितलाई छायांकन तथा सम्पादन सतिश कुमार सिन्हाले गरेका छन् भने निर्देशन सुधराम दहितको रहेको छ ।
शब्द संगित सुबेश कठरियाको रहेको गितमा गायक आर.के. थारु र गायिका अन्नु चौधरीको स्वर रहेको छ । भिडियोमा ईजरायल हमास आक्रमणबाट नेपालीले भोगेको पीडा देखाउन खोजिएको निर्देशक सुधराम दहितले बताएका छन् । भिडियोमा एक परिवारको जिम्मेवार युवा परिवारिक जिम्वारी बोकी विदेशीएकोे चित्रन गरिएको पनि उनले बताए ।