धनगढी, ७ अगहन । कम्प्युटर प्रविधिके माध्यमसे नयाँ नयाँ आइडिया सिर्जना ओ आदान प्रदानके उद्देश्यसहित धनगढीमे बिफेक रोज सुदूरपश्चिम प्रदेशस्तरीय कोड फेस्ट आइडियाथन २०२४ प्रतियोगिता हुइल बा ।
उ प्रतियोगितामे सहभागी विद्यार्थीहुक्रे अपन बनाइल टमान विचार (आइडिया), उ आइडियासे समाजहे कैसिक सहज बनाइ सेक्जैना ओ कार्यान्वयनबारे प्रस्तुत करले रहैं ।
धनगढीस्थित नेशनल एकेडेमी अफ साइन्स एण्ड टेक्नोलोजी (नाष्ट) कलेज अन्तर्गत कोड फर चेन्ज, लास्ट कोड लीड द चेन्जके आयोजनामे ह्याकाथनके तेसर संस्करण हुइल हो । यी नेपालमे अभिनसमके सबसे भारी आइडियाथन हो ।
नाष्ट कलेजके प्रबन्ध निर्देशक शिवहरि मुडभरी उद्घाटन करल कार्यक्रम कोड फर चेन्जके अध्यक्ष महेश पालके अध्यक्षतामे हुइल रहे ।
कोड फर चेन्जके महासचिव अस्मिता ओझा कार्यक्रममे स्वागत करल कार्यक्रमम जीवन ढुंगाना, प्रा.डा. प्रेमबहादुर चन्द, प्रकाश भट्टलगायत मन्तव्य व्यक्त करले रहैं । प्रतियोगितामे ७ ठो समूह सहभागी हुइल रहे ।