हसु्लिया, ५ अगहन । कैलालीके धनगढी उपहानगरपालिका वडा नम्बर ५ नेपाल बैंक लग्गे रहल संजिवनी अस्पातल प्रालिसे कैलारी गाउँपालिका वडा नम्बर ७ भुइयाफाँटामे निशुल्क स्वास्थ्य जाँच शिविर संचालन करले बा ।
अस्पतालसे सामाजिक उत्तरदायित्व बहन कैना उद्देश्यसे निशुल्क स्वास्थ्य जाँच ओ विरामीहुकन निशुल्क रुपमे औषधी वितरण कैगिल कन्सल्टेन्ट फिजिसियन डा. सुमन चौधरी जनैलै ।
निशुल्क स्वास्थ्य शिविरमे ३२४ जाने सेवा लेहल उहाँ जनैलै । जेम्ने महिला १८० ओ पुरुष १४४ जाने रहल बटै । अस्पतालसे निशुल्क ओपिडी चेकजाँच, निशुल्क औषधी वितरण डाक्टर चौधरी बटैलै ।

पारस चौधरीके अगुवाईमे राष्ट्रिय मावि भुइयाफाँटामे हुइल निशुल्क स्वास्थ्य जाँच शिविरमे अस्पतालके जनरल ल्याप्रोस्कोपिक सर्जन डा. शंकर अधिकारी, हाडजोर्नी, बाथरोग विशेषज्ञ डा. मोहन नाथ, दाँत मुहरोग चिकित्सक डा. अमृतराज जैशीके उपस्थिति रहे ।
ओस्टेक निशुल्क जाँच शिविरमे भुइयाफाँटा गाउँक भल्मन्सा फिरुलाल चौधरी, राष्ट्रिय माविके प्रअ देशराज चौधरी, प्रहरी प्रशासनके उपस्थिति रहे ।