२१ मंसिर २०७९, बुधबार December 7, 2022

कैलारीके वडा नम्बर ७ मे कांग्रेसके वडा अधिवेशन

२६ कार्तिक २०७८, शुक्रबार
कैलारीके वडा नम्बर ७ मे कांग्रेसके वडा अधिवेशन

हसुलिया । नेपाली कांग्रेस कैलालीके कैलारी गाउँपालिका वडा नम्बर ७ के वडा अधिवेशन शुकके रोज हुइल बा ।
अधिवेशनसे बालकराम चौधरीके संयोजकत्वमे ३० सदस्यीय कार्यसमिति निर्विरोध चयन करल हो । नेपाली कांग्रेस जिल्ला सहसचिव कलेसु राम चौधरी कार्यक्रमके बर्का पहुना रहल रहिट ।
ओस्टके खास पहुनामे तरुण दलके जिल्ला अध्यक्ष दिपेन्द्र बम रहल रहिट । ओस्टके पहुनामे पूर्व जिल्ला सचिव रामचरण चौधरी, पूर्व जिल्ला सदस्य लेखराम चौधरी लगायत रहल रहिट ।
कार्यक्रमहे सम्बोधन करुइया अधिकांश वक्ताहुक्रे अब्बेक सरकारसे करल कमीकमजोरीहे सच्याइटी जनभावना अनुसार काम करे पर्ना बटाइल रहिट । ओस्टके कांग्रेससे युवापुस्ताहे नेतृत्व हस्तान्तरण कैटी युवापुस्ताहुक्रनहे फेन नेतृत्वके जिम्मेवारी डेहे पर्ना औंल्याइल रहिट ।
कार्यक्रम वडा कार्यसमिति अध्यक्ष डम्बर प्रसाद चौधरीके घरगोसियाइमे हुइल रहे ।