९ जेष्ठ २०८१, बुधबार May 22, 2024

भीमबहादुरको हत्यामा संलग्नलाई कारबाहीको माग

४ कार्तिक २०७८, बिहीबार
भीमबहादुरको हत्यामा संलग्नलाई कारबाहीको माग

कैलाली । मानवअधिकार संरक्षण मंच नेपाल सुदूरपश्चिम प्रदेश समितीले चितवनका भीमबहादुर विश्वकर्माको जघन्य हत्यामा संलग्नलाई कडा कारबाहीको माग गरेको छ । मंचका अध्यक्ष डिल्लीराज जोशी र प्रदेश सचिव राजेन्द्र रैकाले बिहीबार एक प्रेस विज्ञप्ति जारी गर्दै भीमबहादुरको हत्याराहरु माथि कडाभन्दा कडा कारबाही गर्न र उनका परिवारलाई न्यायपूर्ण क्षतिपूर्तिको माग गर्नुभएको छ ।

भरतपुर महानगरपालिका–४ का ५८ वर्षीय भीमबहादुरको २८ असोजमा स्थानीयको कुटपिटबाट मृत्यु भएको थियो । स्थानीयवासीले जातीय विभेदको सोचकै कारण भीमबहादुरको हत्या गरेको ठहर मानवअधिकार संरक्षण मंच नेपालले गरेकोे छ ।

‘दुर्गा मन्दिरमा पूजा गर्न पाउनुपर्छ भन्ने माग गर्दा सामन्य विवादमा कुटपिट गरी जघन्य हत्या गरेको घटना प्रति मानवअधिकार संरक्षण मंच नेपालको गम्भीर ध्यानाकर्षण भएको छ,यो अमानवीय पासविक घटनाको घोर भर्त्सना गर्दछौ ,’ मंचका अध्यक्ष जोशी र रैकाले विज्ञप्ति मार्फत् भनेका छन्, ‘दलितले पनि मन्दिरमा पूजा गर्न पाउनुपर्ने कुरा उठाएकै भरमा कुटीकुटी हत्या गर्ने अमानवीय प्रवृतिको निन्दा गर्दछौ।’

स्थानियको कुटाइबाट सख्त घाइते भएका विश्वकर्मालाई अचेत अवस्थामै उपचारका लागि अस्पताल लैजाने क्रममा चिकित्सकले विश्वकर्माको मृत्यु भएको घोषणा गरेका थिए ।