धनगढी, ११ कार्तिक । कृषि तथा पशुपन्छी विकास मन्त्रालय खाद्य प्रविधि तथा गुण नियन्त्रण विभाग खाद्य प्रविधि तथा गुण नियन्त्रण कार्यालय धनगढी कैलालीसे आर्थिक बर्ष २०८१/०८२ के पहिल त्रैमासिक अवधिके प्रगति सार्वजनिक करले बा ।
अँटवारके रोज धनगढीमे खाद्य प्रविधि तथा गुण नियन्त्रण कार्यालय, धनगढी ओ मातहतके खाद्य प्रविधि तथा गुण नियन्त्रण डिभिजन कार्यालय (डडेल्धुरा, डोटी ओ बैतडी) से आव २०८१/०८२ के पहिल त्रैमासिक अवधि (२०८१ सावनसे कुवाँर मसान्तसम)मे प्रगती एक कार्यक्रमके विच सार्वजनिक कैगिल हो । यी अवधिमे खाद्य तथा दाना उद्योग अनुगमन, सिफारिस, अनुज्ञापत्र जारी तथा नवीकरण कार्यक्रम
कार्यालय प्रमु्ख हरेराम प्रधान जनैलै ।
आव २०८/०८२ के पहिल त्रैमानिक अवधिमे यी कार्यालयसे २६ ठो खाद्य उद्योगके दर्ता प्रक्रियाके लाग सिफारिस करल, ४० ठो खाद्य उद्योगके अनुमतिपत्र साजवसाली नवीकरण करल ओ ७ ठो खाद्य उद्योगके अनुमतिपत्र नयाँ जारी करल उहाँ जनैलै ।
यी अवधिमे १६० चो खाद्य उद्योग तथा दाना उद्योगके अनुगमन निरिक्षण तथा करल बा ।
खाद्य बजार तथा होटल रेस्टुरेन्ट अनुगमन अन्र्तगत बजारमे विकी हुइना ओ होटल रेस्टुरेन्टमे तयार कैना खाद्य पदार्थके स्वच्छता ओ गुणस्तर नियमनओर आवc२०८१/०८२ के पहिल त्रैमासिक अवधि तथा चाडपर्व लक्षित करके खाद्य निरिक्षक, स्थानीय निकायके सहकार्य ओ संयुक्त अनुगमन टोलीसे जम्मा ५६ चो खाद्य बजारके अनुगमन कैगिल बा । ५१ चो होटल रेस्टुरेन्टके अनुगमन करल बा ।
अनुगमनके क्रममे पसल तथा होटल रेस्टुरेन्टहे स्वच्छता सुधारके लाग परामर्श डेना ओ उपभोग्य अवधि समाप्त हुइल तथा गुणस्तरहीन खाद्य वस्तु जफत करके नष्ट कैना ओ आवश्यक कारवाही प्रकृया आघे बह्राके नियमन कार्य करके बजार तथा होटलसे विक्री हुइना खाद्य वस्तुके गुणस्तर सुधारमे टेवा पु¥याइल बा ।
ओस्टेक करके खाद्य प्रविधि तथा गुण नियन्त्रण डिभिजन कार्यालय डडेल्धुरा, डोटी ओ बैतडीसे क्रमशः २८, ३० ओ २८ चो खाद्य बजार अनुगमन ओ २६, २५ ओ १४ चो होटल रेस्टुरेन्टके अनुगमन करल बा ।
खाद्यान्न ओ दानाके नमूना संकलन ओर खाद्य ऐन तथा दाना ऐन अनुरुप खाद्य निरिक्षक तथा दाना निरिक्षकसे उद्योग, बजार तथा होटल रेस्टुरेन्ट अनुगमन कैना क्रममे शंकास्पद नमूना सकलन करके ऐन अनुरुप कारवाही प्रकया आघे बह्रैटी आइल जनागिल बा । यी सन्दर्भमे चालु आ.व. के पहिल त्रैमासिक अवधिमे यी कार्यालयसे ६६ ठो नमूना ओ ३ ठो डिभिजन कार्यालय (डडेल्धुरा, डोटी र वैतडीसे कमशः २१, २० ओ २० खाद्य नमुना) से ६१ ठो नमूना करके जम्मा १२७ ठो खाद्य नमूना संकलन करके कारवाही प्रकृया आघे बढटी रहल प्रमुख प्रधान जनैलै ।
उ अवधिमे खाद्य स्वच्छता तथा गुणस्तर तथा दाना ऐन अनुरुप कारवाही ओर खाद्य स्वच्छता तथा गुणस्तर तथा दाना ऐन अनुरुप संकलन करल नमूनामध्ये प्रतिकुल पाइल नमूना उपर कारवाही प्रकृया आघे बढाइल बा । गैल आवसे लगत सरके आइल जम्मा २१ ठो उद्योगी व्यवसायी मध्ये १० ठोहे बयानके लाग पत्राचार करल बा । १ ठो जिल्ला सरकारी वकील कार्यालयसे निर्णय निकासा लेना कार्य आघे बढटी रहल बा । यी अवधिमे अनुसन्धान प्रकृया पुरा हुइल प्रतिकूल नमूना उपर खाद्य निरिक्षकसे जिल्ला अदालतमे २ ठो ओ जिल्ला प्रशासन कार्यालय कैलालीसे ६ करके जम्मा ८ प्रतिकूल नमूना उपर मुद्दा दायर करल बा ।
खाद्य स्वच्छता तथा गुणस्तर सम्बन्धी उजुरी तथा गुनासो सम्बोधन एवं व्यवस्थापनओर यी अवधिमे यी कार्यालयमे टमान माध्यमसे प्राप्त ६ ठो खाद्य स्वच्छता तथा गुणस्तर सम्बन्धीके उजुरी तथा गुनासो सम्बोधन तथा व्यवस्थापन कैना कार्य करल बा । ओस्टेक करके डिभिजन कार्यालय बैतडीसे ३ ओ डोटीसे २ चो उ कार्य सम्पन्न हुइल बा ।
राजश्व संकलन तथा वित्तिय प्रगतिओर यी अवधिमे यी कार्यालयमे प्राप्त नमूनाके विश्लेषण दस्तुर तथा अनुज्ञापत्र जारी, नवीकरण ओ सिफारिस दस्तुर बापत रु ७ लाख ९६ हजार ४१ ५ राजश्व संकलन करल बा कलेसे कार्यालयसे चालु ओ पुँजीगत खर्च करके जम्मा ४३ प्रतिशत वित्तीय प्रगति हासिल करल कार्यालय जनैले बा ।
ओस्टेक करके डिभिजन कार्यालय डडेल्धुरा, डोटी ओ वैतडीसे क्रमशः ६७, ५५ ओ ७३ प्रतिशत वित्तिय प्रगति हासिल करल जनागिल बा ।