२१ मंसिर २०७९, बुधबार December 7, 2022

नबिल बैंकद्वारा बाढी प्रभावित परिवारलाई खाद्य सामाग्री वितरण

४ कार्तिक २०७८, बिहीबार
नबिल बैंकद्वारा बाढी प्रभावित परिवारलाई खाद्य सामाग्री वितरण

टीकापुर । नबिल बैंक लिमिटेडले बाढी प्रभावित क्षेत्र टीकापुर नगरपालिका, वार्ड नं ८, बटनपुरमा करीब एक हजार परिवारका लागि खाद्य सामाग्री वितरण गरेको छ । बैंकले राहत स्वरुप आठ हजार ४० पाकेट वाइ वाइ चाउचाउ, दुई हजार एक सय पाकेट रियो जुुस, दुई हजार बोटल पानी, र एक हजार केजी चिउरा उपलब्ध गराएको हो ।
नबिल बैंक लिमिटेड टीकापुर शाखाका प्रबन्धक तेज भट्टले टीकापुर नगरपालिका वार्ड नं. ८ का अध्यक्ष दिर्घ ठकुल्लाको रोहबरमा राहन सामाग्री उपलब्ध गराएका हुन् ।
हालै भएको अबिरल वर्षाका कारण कर्णाली नदीमा आएको बाढीले टीकापुर क्षेत्र डुबान भइ प्राकृतिक विपतको घडीमा तत्काल राहत उपलब्ध गराउनु आवश्यक रहेकोले टीकापुर नगरपालिकाको विपद व्यवस्थापन समिति र चौधरी फाउण्डेसनको सहकार्यमा बैंकले सामाजिक उत्तरदायित्व निर्बाह गर्दै यथाशिघ्र सहयोग उपलब्ध गराएको हो ।