धनगढी, १८ भदौ । अपाङ्गता रहल आदिवासी जनजातिके व्यक्तिहुक्रनहे स्व–सहयोग समूहके लाग स्व–वकालत सम्बन्धी तालिम डेहल बा ।
कैलालीके धनगढीमे बुधके रोज नेपाल आदिवासी जनजाति अपाङ्गता संघ (नीडा)के आयोजना तथा एबलिस फाउण्डेसनके सहयोगमे तालिम डेहल हो । नेपाल आदिवासी जनजाति अपाङ्गता संघ (नीडा)का अध्यक्ष खडग बहादुर सारु मगरके अध्यक्षतामे हुइल उद्घाटन कार्यक्रमके बर्का पहुना धनगढी उपमहानगरपालिकाके उपमेयर कन्दकला कुमारी राना रहल रही ।
कार्यक्रममे नेपाल आदिवासी जनजाति महासंघके सुदूरपश्चिम अध्यक्ष दलबहादुर घर्तिमगर, नेपाल नेत्रहीन संघका केन्द्रीय सदस्य तथा कैलाली अध्यक्ष दिलिप चौधरी, नेपाल आदिवासी जनजाति पत्रकार महासंघ (फोनिज) सुदूरपश्चिम इन्चार्ज लख चौधरी, फोनिज कैलाली अध्यक्ष राम दहितलगायतके सहभागिता रहल रहे ।
तालिमके सहजीकरण संस्थाके सल्लाहकार तथा अधिवक्ता दिलप्रसाद थापामगर ओ संस्थाके अध्यक्ष सारु मगरसे हुइल रहे ।
अधिवक्ता थापामगर यूएन ड्रीप, सीआरपीडी ओ स्व–वकलत सम्बन्धी ओ सारु मगर संस्थासे तयार करल स्वेतपत्रबारे सहजीकरण करल रहिट । तालिममे ३० जनहनके सहभागिता रहल रहे ।
इहे बीच नीडाके सुदूरपश्चिम प्रदेश स्तरीय समिति समिति गठन करल बा । दुर्गा चौधरी (दृष्टिविहीन)के अध्यक्षतामे ७ सदस्यीय प्रदेश समिति गठन करल बा । जेकर उपाध्यक्षमे विमल कुमाल (स्पाइनल), सचिवमे सरिता चौधरी (शरीरिक), सह–सचिवमे अर्जुन राना (दृष्टिविहीन), कोषाध्यक्षमे गौरीशंकर चौधरी (शरीरिक) रहल बटै ।
ओस्टके, सदस्यमे निलम चौधरी (सुनाइ सम्बन्धी अपाङ्गता)), नरेश चौधरी (दृष्टिविहीन) रहल बटै ।