धनगढी, २२ भदौ । मुन्ना लभ कुश्मी के प्रस्तुती सुलभ फिल्मस्के ब्यानरमे बनल थारु छोट सलिमा ‘बैरी पिया’ सार्वजनिक हुईल बा । सुलभ फिल्मस् यू–ट्यूव च्यानलसे सार्बजनिक हुईल ‘बैरी पिया’ मे अनिल कुश्मीके लेखन, आदर्श महातोके निर्देशन, राजु चौधरी ओ प्रमिला चौधरीके गायन ओ चन्द्र चौधरी चाँदके संगित रहल बा ।
सलिमामे राजु चौधरी (राज) चन्द्र चौधरी चाँद, आदर्श महतो, सुदासन चौधरी, सुप्रिया चौधरी, भौनी चौधरी ओ सुशीला चौधरीके अभिनय रहल बा । गाउँके वास्तविकता, वर्तमान अवस्थाके बारेम ‘बैरी पिया’ मे चित्रण करगिल गायक राजु चौधरी (राज) बटैलै । यि सलिमाके पहिल भाग हो । सलिमाके ३ भाग सम तयार कर्ना लक्ष्य रहल फेन वहाँ बटैलै । उहाँ सलिमाहे सक्कु जाने हेरके प्रतिकृयाके लाग फेन आग्रह करले बाटै ।