धनगढी । भाषा लेखन शैलीमे एक रुपता नन्ना कठरिया थारुहुकनके बासोबास रहल गाउँमे कठरिया भाषा वर्ण प्रवर्द्धन कार्यक्रम सञ्चालन कैगिल बा ।

कठरिया समाज नेपालके कोषाध्यक्ष सुरज कठरिया कैलाली जिल्लास्थित कठरिया थारु समुदायके घनावस्ती रहल गाउँमे कठरिया भाषा बर्ण प्रवर्द्धन कार्यक्रम संचालन हुइटी रहल बटैलै ।

कठरिया समाज नेपालके आयोजना तथा हिमाली आदिवासी समाज नेपालके सहयोगमे कठरिया भाषा लेखन शैली अन्तर्गत उ कार्यक्रम हुइटी रहल उहाँ जनैलै । कठरिया भाषा–भाषीहुकनके लाग औपचारिक तथा अनौपचारिक पठन–पाठन, सहजुल करके लेखपढ कैना सहयोग पुगे कना उद्देश्यसे कार्यक्रम आयोजना करल कोषाध्यक्ष सुरज बटैलै ।

पहिल चरणके कार्यक्रम अन्तर्गत कैलाली जिल्लाके कैलारी गाउँपालिका वडा नं. ८ लौसामे भदौ ६ से ९ गते सम, वडा नं. ५ पवेरामे १० से १३ गतेसम ओ भजनी नगरपालिका वडा नं. ७ चर्रा तथा बनगाउँमे भदौ १४ से १७ गतेसम कठरिया भाषा वर्ण प्रवर्द्धन कार्यक्रम संचालन करल बा ।

ओस्टेक दुसरा चरणके कार्यक्रम अन्तर्गत जोशीपुर गाउँपालिका वडा नं. ३ लक्कडसे शुरु करके बाँकी और कठरिया गाउँमे संचालन कैना कार्यक्रम संचालक अर्जुन कठरिया जानकारी करैलै ।

कठरिया वर्ण प्रवद्र्धन कार्यक्रमसे वर्णके सहि प्रतिनिधित्व कैना, लेखन शैलीमे एक रुपता नन्ना ओ लेखपढ कैना सहजुल, सहजता मिलल कठरिया भाषा बर्ण प्रवर्द्धन कार्यक्रममे सहभागी भजनी नगरपालिका वडा नं. ७ चर्रा के जय कठरिया बटैलै ।

कठरिया भाषा संस्कृति ओ पहिचान संरक्षण सम्बर्द्धनके कार्यक्रम अइना दिनमेफे आयोजना हुइपर्ना कठरिया समुदायके अगुवाहुक्रे बटैठै ।