८ बैशाख २०८१, शनिबार April 20, 2024

चेतनशिल सहकारीके १६औं साधारण सभा उसरल

२० भाद्र २०७९, सोमबार
चेतनशिल सहकारीके १६औं साधारण सभा उसरल

सागर कुस्मी
हसुलिया ।
चेतनशिल महिला विकास बहुउद्देश्यीय सहकारी संस्था लिमिटेडके १६ औं साधारण सभा उसरल बा ।

कैलाली जिल्लाके कैलारी गाउँपालिका वडा नम्बर ५ पबेरामे रहल चेतनशिल महिला विकास बहुउद्देश्यीय सहकारी संस्था लिमिटेडके सोम्मरके रोज पबेरामे एक कार्यक्रम कैके १६औं साधारण सभा निप्टल बा ।

कार्यक्रममे बर्का पहुना रहल कैलारी गाउँपालिकाके सूचना अधिकृत यगम कलेल कलैं- अब्बेक समयमे गाउँ घरमे महिला ओइने सहकारी से अपन दैनिक गुजारा चलैना सहज हुइल बटैलैं । उहाँ आघे थप्लैं- सहकारीसे हमार समाज चलल बा । ओहेमारे एक सहकारी एक उद्योग हुइ पर्ना बटैलैं । उहाँ कलैं, सहकारीहे आघे बर्हैनामे शेर सदस्य ओइनके ढेर भुमिका रहल बटैलैं ।

ओस्टेके बिशिस्ट अतिथी वडा नम्बर ५ के वडा अध्यक्ष विष्णु चौधरी कहलैं-आब पुरुष किल नाही महिला ओइने फेन अपन समाजके लाग जागरुक ओ चेतनशिल हुइटी गैल बटैं । उहाँ फेन कहलैं-सहकारी बुढेसकालके साहारा बन्टी रहल बात बटैलैं ।

कार्यक्रममे कैलारी गाउँपालिका बालबिकास शाखाके प्रमुख बालकुमारी चौधरी, पारदर्शी महिला बिकास बहुउद्देश्यीय सहकारी संस्थाके अध्यक्ष गीता चौधरी, कैलारी गाउँपालिका वडा नम्बर ५ के जनप्रतिनिधि ओइनके फेन सहभागी हुइल रहिंट ।

यी सहकारीमे आवद्ध होके काम कर्टी आइल उत्कृष्ट रिन सदस्य नोखी चौधरीहे, उत्कृष्ट व्यावसायि पवित्रा परियार, ओ गोबरैला गाउँक् समूहके सदस्य ओइन उत्कृष्ट सदस्य सम्मान फेन कैगैल रहे ।

ओस्टेके सदस्य एलिसा चौधरी गाउँघरमे स्थापना हुइल इ सहकारी स्थानीय महिलनके दैनिक जीवनमे धेर सहयोग मिलल बटैली । कोषाध्यक्ष कृष्णा चौधरी २७ जहसे सुरु करल बटैली । आब अइना दिनमे व्यावसायिक रुपमे सहकारीहे हाँके पर्ना उहाँ बटैली । ओस्टेके सहकारीके सदस्य हिरा चौधरी कलि अब्बेसम इ सहकारी धेर प्रगती हुइल बटैली ।

अध्यक्ष हिरा चौधरीके घरगोसियाइमे हुइल कार्यक्रममे उपाध्यक्ष सुशिला चौधरी स्वागत मन्तव्य डेले रहिंट । सचिव कृष्णा देवी चौधरी २०७८/०७९ के ३,५५, २१, १४४ बराबरके आय व्यय प्रस्तुत कैले रहिंट कलेसे, लेखा परिक्षण प्रतिवेदन व्यवस्थापक बनिता चौधरी प्रस्तुत कैले रहिंट ।

कार्यक्रम संचालन सह व्यवस्थापक तिरथ चौधरी कैले रहिंट । इहे अवसर मे जनचेतना मुलक सडक नाटक फेन डेखागैल रहे । २०६३ सालमे स्थापना हुइल इ सहकारी यहाँसम पुगेबेर हजारौं उतारचढाव पार कर्टी अब्बेसम ७८३ जाने महिला शेर सदस्य बटैं ।