धनगढी, ७ भदौ । हिरगर साहित्यिक बगालके अध्यक्षमे फेनसे हिरालाल चौधरी चयन हुइल बटै ।
शनिच्चरके रोज धनगढीमे हुइल हिरगर साहित्यिक बगालके पाँचौ वार्षिक साधारण तथा अधिवेशनसे अध्यक्ष सहित ११ सदस्यीय लावा कार्यसमिति चयन करल हो ।
बगालके उपाध्यक्षमे गंगाराम डँगौरा, सचिवमे सागर कुश्मी, सहसचिवमे रामु कुश्मी ओ कोषाध्यक्षमे सृजना चौधरी चयन हुइल बटी ।
ओस्टके सदस्यमे क्रमशः लाहुराम चौधरी, सुनिता चौधरी, सुमित चौधरी, टेक बहादुर चौधरी, विक्रम चौधरी ओ रामबहादुर चौधरी चयन हुइल बटै ।

बगालके पाँचौ बार्षिक साधारण सभाके उद्घाटन सुदूरपश्चिम प्रदेश सरकारके भुमि व्यवस्था कृषि तथा सहकारी मन्त्री विरबहादुर थापा करले रहिट ।
उद्घाटन सत्रमे फेकोफन सुदूरपश्चिम प्रदेश अध्यक्ष झुमा चौधरी, थारु अगुवा तथा बाटचित घरके किसनुवा माधव थारु, हिरगर साहित्यिक बगालके सल्लाहकार चन्द्रसिंह चौधरी, बाटचित घरके बरघर तथा थारु बुृद्धिजीवि ठाकुर प्रसाद करिया प्रधान, अधिवक्ता विरेन्द्र चौधरी ओ प्रभु महालक्ष्मी लाइफ इन्स्योरेन्सके क्षेत्रीय प्रमुख पदम राना लगायत मन्तव्य राखल रहिट ।