७ फाल्गुन २०८१, बुधबार February 19, 2025

भन्सार छलीके सामान बरामद

१४ भाद्र २०८१, शुक्रबार
भन्सार छलीके सामान बरामद

धनगढी, १४ भदौ । कैलाली ओ कञ्चनपुरसे भन्सार छलीके सामान बरामद करल बा ।
कैलालीके टमान स्थान धनगढी उपमहानगरपालिका–७ सरस्वती स्कुल लग्गे, धनगढी उपमहानगरपालिका–१० जुगेडा, गोदावरी नगरपालिका–३ मालाखेती ओ गोदावरी नगरपालिका–४ से अबैंध रुपमा भारतसे भन्सार छली कैके लानल चार लाख २५ हजार ४६५ मूल्य बराबरके सामान बरामद करल हो ।
उक्त स्थानसे प्याज, सुर्ती, नरिवल, टमान कम्पनीके मोबाईल डिस्प्ले, प्लाष्टिक झिल्ली लगायतके सामान जिल्ला प्रहरी कार्यालय कैलालीसे खटल प्रहरी टोलीसे बिफेक रोज वेवारिसे अवस्थामे फेला पारके नियन्त्रणमे लेहल जनैले बा ।
ओस्टके कञ्चनपुरके पुनर्वास नगरपालिका–१ डोकेबजारसे अबैंध रुपमे भारतसे भन्सार छली कैके लानल ३२ हजार सातसय मूल्य बराबरके सामान बरामद करले बा । उक्त मूल्य बराबरके साडी, धोती, सुटपिस, तन्ना लगायतके सामान प्रहरी चौकी परासन, कञ्चनपुरसे खटल प्रहरी टोली वेवारिसे अवस्थामे फेला पारके नियन्त्रणमे लेहल जनैले बा ।