९ आश्विन २०७८, शनिबार September 25, 2021

निर्मलाहे न्यायके लाग अधिकारकर्मी सुवेदीसे मौन प्रर्दशन

१ भाद्र २०७८, मंगलवार २०:३२
निर्मलाहे न्यायके लाग अधिकारकर्मी सुवेदीसे मौन प्रर्दशन

धनगढी, १ भादौ । कञ्चनपुरके १३ वर्षीया निर्मला पन्तके दोषीहे हाली कानुनी कठघरामे लाने पर्ना महिला अधिकारकर्मी सावित्री सुवेदी बटैले बाटी ।
मंगरके सुदूरपश्चिम प्रदेशके मुख्यमन्त्री कार्यालय आघे मौन प्रर्दशन करटी उहाँ निर्मला घटनामे सरकारसे कौनो चासो नैडेखाइल आरोप लगैली । निर्मलाके हत्या हुइल बर्षौ हुइलेसे फेन सरकार मुख दर्शक बनके बैठल उहाँ बटैली ।
‘निर्मलाहे न्याय दे’, ‘मोर शरीर मोर अधिकार’ प्ले कार्ड सहित सुवेदी मुख्यमन्त्री कार्यालय आघे कुछ समय मौन प्रर्दशन करल रही ।
निर्मला घटनाके ३ बरस पुरा हुइलेसे फेन न्याय नैमिलल् ओ दिनदिने छाइ चेली बलात्कार हुइलेसे फेन सरकार चुप रहल कारण न्यायके माग कैटी अपने फेनसे धनगढी आइल उहाँ बटैली ।
‘सरकार अब्बे कानमे तेल डारके बैठल बा’ उहाँ कहली–‘जबसम निर्मला न्याय नैपैही तबसम हमार आन्दोलन जारी रही ।’ सरकारसे बलात्कारीहे फाँसी डेना कानून बनाइ पर्ना ओ कानून नैबनाइटसम महिला चुप नैबैठ्ना ओहककान कहाइ रहे ।
निर्मलाके २०७५ साउन १० मे बलात्कारपाछे हत्या हुइल रहे । ओकर डोसर दिन उखुबारीमे ओहकान शव भेटल रहे ।

ताजा अपडेट

7 Shares
Tweet
Share7
Share
Pin