९ आश्विन २०७८, शनिबार September 25, 2021

हुलाकी सडक अन्र्तगत बसन्ता वन क्षेत्रमे वन्यजन्तुमैत्री सडकके लाग अन्डरपास ओभरपास

२५ श्रावण २०७८, सोमबार १५:११
हुलाकी सडक अन्र्तगत बसन्ता वन क्षेत्रमे वन्यजन्तुमैत्री सडकके लाग अन्डरपास ओभरपास

धनगढी, २६ फागुन । कैलालीके बसन्ता वन क्षेत्र अन्र्तगत हुलाकी सडक खण्डमे पर्ना टमान जातके १ सय रुख्वा हटैना हुइल बा ।
मंगरके रोज क्याविनेटसे उ खण्डके २ किलोमिटर क्षेत्रमे पर्ना रुख्वा हटैनाके साथे वन्यजन्तुनके ओहोरदोहोरके लाग अन्डरपास ओ ओभरपास सडक फेन बन्ना निर्णय करल हो । उ खण्डके रुख्वा हटैनाके साथे वन्यजन्तुमैत्री सडक बनैना क्याविनेटसे निर्णय हुइल श्रम रोजगार तथा सामाजिक सुरक्षा मन्त्री गौरीशंकर चौधरी जानकारी डेलै । उहाँ उ निर्णय पाछे सडक निर्माण हाली हुइना बटैलै ।
इहीसे आघे टमान कारण डेखाके उ क्षेत्रके रुख्वा हटैना वन कार्यालय आलटाल करटी आइल रहे । इहीसे सडक निर्माणमे ढिला हुइटी आइल रहे । उ रुख्वा हटैना ओ सडक निर्माणहे गति डेहक लाग मन्त्री चौधरीके अगुवाइमे गैल अगहन २८ गते अनुगमन फेन करगिल रहे ।


अनुगमनके क्रममे उ टोलीसे बसन्ता वन क्षेत्र अन्र्तगत २ किलोमिटरमे पर्ना १ सय रुख्वा हटाइ पर्ना औंल्याइटी सम्बन्धित निकायहे हटा डेहक लाग अनुरोध कैना निर्णय फेन करल रहे । उ रुख्वा नाइ हटाके सडक निर्माण करे नाइ सेकजैना अवस्था रहल ओरसे सडक निर्माण कार्यहे आघे बर्हाइक लाग नियमानुसार रुख्वा हटाडेना सम्बन्धि निकायहे अनुरोध कैना निर्णय करगिल रहे ।
अनुगमन पश्चात टोलीसे करल निर्णयमे–‘धनगढी–भजनी–सत्ती हुलाकी सडक खण्डके चेनेज ३१ से ३३ सम २ किलोमिटर सडक खण्ड निर्माणके लाग हटाई पर्ना रुख्वाके अनुगमन करेबर टमान जातके १ सय रुख्वा रहल ओ उ रुख्वा नाइ हटैलेसे सडक निर्माण करे नाइ सेक्ना, सडक खण्डके एलाइनमेन्ट हाल परिवर्तन नाइ हुइल, उक्त सडकके चेनेज ३१ से ३३ समके आघे पाछेके भाग निर्माण होके कालोपत्रे फेन होसेकल, हाल सडक खण्डमे हटैना बाँकी डेखगैल लगत बमोजिमके १ सय रुख्वा साविकमे लगत लेहेबर छुुटल ओरसे उ रुख्वा नियमानुसार हटैना सम्बन्धित निकायहे अनुरोध कैना निर्णय करले रहे ।’


रुख्वा हटैना ढिलाइके कारण धनगढी–भजनी–सत्ती हुलाकी सडक खण्ड अन्र्तगत बसन्ता वन क्षेत्रके दुई किलोमिटर किल सडक निर्माण हुइना बाँकी रहल बा । अब्बे उ २ किलोमिटर छोरके अन्य ओर सडक स्त्तरोन्तीके फेन काम सुरु होसेकल बा । धनगढीसे मनेहरासम ४ लेन ओ बाँकी सडक खण्ड २ लेन चाकर बनैना सडक स्तरोन्नतिके काम फेन धमाधम आघे बर्हसेकल बा ।

ताजा अपडेट

0 Shares
Tweet
Share
Share
Pin