९ आश्विन २०७८, शनिबार September 25, 2021

थारु बाल अधिकार गीत सार्वजनिक, संगीत मार्फत बाल अधिकारको माग(भिडियो सहित)

२५ श्रावण २०७८, सोमबार १४:५२
थारु बाल अधिकार गीत सार्वजनिक, संगीत मार्फत बाल अधिकारको माग(भिडियो सहित)

कैलाली । नेपालमा बाल अधिकार हनन् भएका घटना दिनहु बाहिर आउने गर्दछ । बालबालिकालाई उनीहरुको अधिकारबाट वञ्चित गराई कडा परिश्रम गर्न लगाई श्रमशोषणका घटना पनि दिनहुँ जसो मिडिया मार्फत बाहिर आउने गर्दछ । यसका साथै कुनै कुनै बालबालिकाको अभिभावक पनि आफ्ना बालबालिकालाई खेल्ने कुद्ने उमेरमा श्रमशोषण गरेको घटना पनि हामीले सुन्ने देख्ने गर्दछौं । यसले लाखौं बालबालिका अझै पनि आफ्नो अधिकारबाट वञ्चित भएका छन् । अझै पनि उनीहरूले उचित स्वास्थ्य सेवा, पोषण, शिक्षा र हिंसाबाट सुरक्षा पाउन सकेका छैनन् ।
यसै सन्दर्भमा थारू पहिलो बाल अधिकार गीत ‘हमार बाल अधिकार’मा बनेको भिडियो सार्वजनिक भएको छ । यस भिडियो मार्फत बालबालिकाहरुले आफ्नो अधिकारको माग गरेका छन् । उनीहरुले आफ्ना अभिभावकहरुलाई अरुका घरमा बिहानै गाईगोठमा गोबर सोहार्न र भेडाबाख्रा चराउन नपठाउनु भन्दै संगीत मार्फत आग्रह गरेका छन् । यसका साथै उनीहरुले बाल उमेरमा पढ्ने, खेल्ने कुद्ने, नाच्ने गाउने समय रहेकोले आफ्ना अभिभावकलाई विद्यालय पठाउन आग्रह गरेका छन् । साथै उनीहरुले अतिरिक्त क्रियाकलापले बालबालिकाको बौद्धिक विकास हुने भएकोले अतिरिक्त क्रियाकलाप जस्तै खेलकूद, सांस्कृतिक कार्यक्रम र चाडपर्वमा रमाउदँै नाच्न पनि पाउनु पर्ने माग गरेका छन् ।
गीतमा इन्दु थारूको शब्द संगीत रहेको छ । भिडियोमा इन्दु थारूकै डाइरेक्सन र कन्सेप्ट रहेको छ । गीतमा बाल गायक मनिष थारू र मिस्मीता चौधरीको रहेको छ । भिडियोमा बाल कलाकार मनिष थारू, सर्विना, सानु हर्दिउला, ब्रेभिया करिया प्रधान, ऋष्टिना करियाप्रधान, उषा चौधरी, जस्मीन चौधरी र बिवेक चौधरीको मुख्य भूमिका रहेको छ ।
भिडियोका प्रोड्यूसरमा टीका चौधरी, गीता चौधरी, ठाकुर करिया प्रधान र बाँधु हर्दिउला रहेको छन् । क्यामेरामा बिहारी दहित, मेकअपमा सानु कुश्मीको रहको छ ।
भिडियो होलीको अवसरमा थारू ड्रागनफ्लाई यूट्यूब च्यानलबाट सार्वजनिक भएको छ ।
यस अघि थारू भाषाको पौराणिक पहिलो बालगीत ‘उक्रुङ्ग बुक्रुङ्ग’ भिडियो आइ सकेको छ । भिडियोमा बालकलाकार मनिष थारू, श्रविना चौधरी, ऋष्टिना चौधरी, सानु हरदिउला, ब्रेभिया चौधरी, लगायतको अभिनय रहेको छ । शब्द संकलन इन्दु थारूको रहेको गीतमा संगीत संयोजन सि.एल चौधरीको रहेको छ । गीतमा बाल कलाकार मनिष थारू र अमृता चौधरीले स्वर रहेको छ । थारु बालबालिकाहरुले अत्यधिक रुचाइएको बालगीत ‘उक्रुङ्ग बुक्रुङ्ग’ भिडियो हमार म्युजिक बगियाको अफिसियल युट्यूब च्यानल मार्फत सार्वजनिक भएको हो ।

ताजा अपडेट

0 Shares
Tweet
Share
Share
Pin