९ श्रावण २०८१, बुधबार July 24, 2024

कैलालीके स्थानीय तहके ७४ करोडसे ढिउर बेरुजु

३० असार २०७९, बिहीबार
कैलालीके स्थानीय तहके ७४ करोडसे ढिउर बेरुजु

धनगढी । आर्थिक बरस २०७७/७८ मे कैलालीके १३ स्थानीय तहमे ७४ करोडसे ढिउर बेरुजु रकम डेख परल बा । महालेखा परीक्षकके ५९ औँ वार्षिक प्रतिवेदन अनुसार आर्थिक बरस २०७७/७८ मे ७४ करोड ५ लाख ६१ हजार बेरुजु रकम डेख परल बा ।
जिल्लाके सबसे ढिउर बेरुजु रकम घोडाघोडी नगरपालिकामे डेख परल बा । उ नगरपालिकामे १५ करोड ७९ लाख ३६ हजार रुपैंया बेरुजु डेखपरल बा । ओस्टके जिल्लामे सबसे कम जोशीपुर गाउँपालिकामे डेख परल बा । उ नगरपालिकामे १ करोड ८६ लाख ७५ हजार रुपैयाँ बेरुजु डेख परल बा ।
ओस्टके धनगढी उपमहानगरपालिकामे १० करोड ५१ लाख ६५ हजार, गोदावरी नगरपालिका ६ करोड ९२ लाख ७४ हजार रकम बेरुजु डेखपरल बा । ओस्टके टीकापुर नगरपालिकामे ६ करोड ६७ लाख १ हजार, भजनी नगरपालिकामे ५ करोड ७२ लाख ८८ हजार, लम्कीचुहाँ नगरपालिकामे ५ करोड ६३ लाख १८ हजार गौरीगङ्गा नगरपालिकामे ४ करोड १९ लाख १२ हजार रकम बेरुजु डेख परल बा ।
ओस्टके मोहन्याल गाउँपालिकामे ४ करोड ८४ लाख १ हजार, चुरे गाउँपालिकामे ३ करोड ५६ लाख ५९ हजार, बर्दगोरीया गाउँपालिकामे २ करोड ५४ लाख ४५ हजार, जानकी गाउँपालिकामे २ करोड ५७ लाख ४ हजार रकम बेरुजु डेख परल बा । ओस्टके ३ करोड २० लाख ८३ हजार रकम कैलारी गाउँपालिकाके बेरुजु डेखपरल बा ।