३२ असार २०८१, सोमबार July 15, 2024

कैलारीमे सम्पन्न योजनाके अनुगमन

१६ असार २०८१, शनिबार
कैलारीमे सम्पन्न योजनाके अनुगमन

हसुलिया, १५ असार । कैलारी गाउँपालिकाके टमान वडामे सम्पन्न हुइल योजनाके पालिका स्तरीय अनुगमन समितिसे शुकके रोज स्थलगत अनुगमन करले बा ।
गाउँपालिका उपाध्यक्ष तथा अनुगमन समिति संयोजक भगवतीकुमारी चौधरीके नेतृत्वमे कैलारी–७ मे ६ लाखमे निर्माण सम्पन्न हुइल रामजानकी मन्दिरके अनुगमन कैगिल बा ।
कैलारी–८ स्थित दुधिया ओ लौसा गाउँमे पाँच लाखके योजना रहल बाटो ग्राभेलके अनुगमन कैगिल बा । ओस्टेक समितिसे कैलारी–९ स्थित टमान गाउँके बाटो दिगो बनैना योजना अन्र्तगत ११ गाउँमे ३१ लाख रुप्याके लुज ग्राभेलिङके अनुगमन हुइल बा । अनुगमनमे समितिके संयोजक भगवतीकुमारी चौधरी, पूर्वाधार विकास समिति संयोजक तथा वडा नम्बर ६ के वडा अध्यक्ष प्रेमबहादुर चौधरी, समितिके सदस्य सुनिला चौधरी, योजना शाखा प्रमुख सन्तोषकुमार चौधरी, असिस्टेन्ट सव ईन्जिनियर संजय कठरिया, ओ वडा नम्बर ९ के अनुगमनमे प्राविधिक सक्कु टोलीकेफे सहभागिता रहे ।