टीकापुर, । टीकापुर नगर कार्यपालिका सदस्यके लाग हुइल निर्वाचनमे नागरिक उन्मुक्ति पार्टीके पाँच जाने विजयी हुइल बाटै । निर्वाचन अधिकृतके कार्यालयसे डेहल जानकारी अनुसार नेपाली काँग्रेसके दुई जाने ओ माओवादी केन्द्रके एकजाने निर्वाचित हुइल बाटै ।

निर्वाचन अधिकृतके कार्यालयके सहायक निर्वाचन अधिकृत लक्ष्मी ओडसे डेहल जानकारी अनुसार नागरिक उन्मुक्ति पार्टीसे महिला सदस्यमे कैलाशपति चौधरी, रुपमति ड.थारु, सरस्वती तिरुवा ओ दुई दलित सदस्यके लाग दीपकबहादुर निसानी ओ मञ्जु वि.क. निर्वाचित हुइल बाटै ।

ओस्टके नेपाली काँग्रेससे राजारानी चौधरी ओ दलित सदस्यमे रामबहादुर नगार्जी निर्वाचित हुइल बाटै । उहोर, नेकपा माओवादी केन्द्रसे महिला सदस्यमे लबरी चौधरी निर्वाचित हुइल बाटी ।

नेपाली काँग्रेससे महिला सदस्य टंक वली कार्की, माओवादी केन्द्रके दिलु कामी ओ चन्द्र नेपाली भर पराजित हुइल बाटै ।
आठ जाने कार्यपालिका सदस्यके लाग एघार जनहनके उम्मेदवारी परल रहे ।