१९ फाल्गुन २०८०, शनिबार March 2, 2024

धनगढी–८ के वडा अध्यक्षमे एमालेके चौधरी विजयी

७ जेष्ठ २०७९, शनिबार
धनगढी–८ के वडा अध्यक्षमे एमालेके चौधरी विजयी

धनगढी । कैलालीके धनगढी उपमहानगरपालिका–८ के वडा अध्यक्षमे नेकपा (एमाले) के जुगराम चौधरी आपन प्यानलसहित विजयी हुइल बाटै । नेपाली काङ्ग्रेसके उम्मेदवारहे झिनो मतान्तरसे पराजित कैके उहाँ अध्यक्षमे विजयी हुइल हुइट । वडा अध्यक्षमे एमाले ओ नेपाली काङ्ग्रेसबीच कडा प्रतिस्पर्धा हुइल रहे ।
उहाँ आपन निकतम प्रतिद्वन्दी नेपाली काङ्ग्रेसके उम्मेदवार देवराज जोशीहे पराजित करल हुइट । सुरुसे टक्कर डेखगैल मतपरिणाममे अन्त्यमे जुगराम चौधरी ५ मतके अन्तरसे जोशीहे हराइल रहिट । धनगढी उपमहानगरपालिका वडा न. ८ पुर्वमन्त्री एवं एमालेके पोलिटव्युरो सदस्य, कैलाली इन्चार्ज नारदमुनी रानाके गृह वडा फेन हो । इहीसे आघेक निर्वाचनमे काङ्ग्रेस प्यानल सहित जितल रहे । धनगढी वडा नम्बर ८ मे दुई हजार ७४५ मत खसल रहे ।