धनगढी, २८ चैत । धनगढीमे एक कार्यक्रमके बिच ‘हाम्रो सहायक एप्लिकेशन’ लन्च करगैल बा ।
सोम्मारके एक कार्यक्रमके बिच एप्लिकेशन लन्च करगैल हो । घर निर्माणमे अइना समस्याहे हटैना उद्देश्यसे निर्माण करल एप मार्फत इलेक्ट्रीसियन, पलम्बि·, पेन्टि· लगायतके सेवा लेहे सेकजैना जनाइल बा ।
एपके संस्थापक सन्दिप चौधरी एन्डरोइड मोवाइल प्रयोग कर्ता आपन मोवाइलमे एप डाउनलोड कैके घर बैठ्ले १० ठो सेवा लेहे सेक्ना बटैलै । ‘घर निर्माण करेबर ढेर समस्या आइठ । साधारणतया हम्रे पलम्बर, मिस्त्री लगायत बिजुलीके समानके लाग इलेक्ट्रीसियन खोज्टी बजार डौरल पुग्ठी’, संस्थापक चौधरी कहलै,‘मने आब उ समस्याहे हम्रे हमार एप्लिेकेशन मार्फन डुर कैना प्रयास करले बाटी ।’
एप मार्फत इलेक्ट्रीसियन, पलम्बि·, पेन्टि·, होम एप्लिएन्स, सेफ्टी टंकी सरसफाई, यूपिभिसी ओ अल्मुनियम, होम सलोन, रुम फाइन्डर, जेनेरेटर रिपेरि· लगायत १० ठो सेवा प्रवाह कैना जनाइल बा ।
संस्थापक चौधरी अक्के एपसे टमान सेवा पाइ सेकजैना, समय ओ दैनिक जीवन सजिल बन्ना बटैलै । ओस्टके एपके टमान विशेषता फेन रहल जनाइल बा । जेम्ने रिफर सिस्टममे प्रयोग कर्ताहुक्रे प्रत्येक रिफरमे २५ रुपैया प्राप्त करे सेकजैना जनाइल बा । ओस्टके एप प्रयोग कर्ता हाम्रो सहायक वालेट मार्फत भुक्तानी करे सेकजैना ओ ढेर स्थानमे सेवा बुक करे सेक्ना ओ विशेषज्ञ पठाइ सेकजैना जनाइल बा । ओकर अतिरिक्त एक महिना सेवा वारेन्टी, अनुभवी टोलीसे काम करैनाके साथे गुणस्तरीय सामान ओ समय सेवाके प्रदान सँगे क्यासब्याक प्रणालीके फेन सेवा सुविधा रहल जनाइल बा ।
एपहे एन्डरोइड मोवाइलसे सजिले डाउनलोड करे सेकजैना बा कलेसे आईफोन तथा कम्प्युटरसे प्रयोग करे चहुइयाके लाग बउउ।जबmचयकबजबथबप।अयm मार्फत प्रयोग करे सेकजैना जनाइल बा । साथे सामाजिक सञ्जाल फेसबुक, इन्स्टाग्राम ओ लिंकडिन मार्फत फेन प्रयोग करे सेकजैना जनाइल बा ।
पाँच जाने युवा संघरिया मिलके २५ लाख लागतमे एप निर्माण करल संस्थापक चौधरी बटैलै । टीममे एपके संस्थापक संन्दिप चौधरी रहल बाटै । ओस्टके एप विकासकर्ता हर्षित कुश्मी, मार्केटि· म्यानेजर बिक्रम भुसाल ओ वित्त प्रवन्धकमे नीरज महता रहल बाटै ।
कार्यक्रममे एसपीएके क्याम्पस प्रमुख योगराज उपाध्याय, नेपाल पत्रकार महासंघ कैलाली जिल्ला अध्यक्ष हिमाल जोशी लगायत टमान मिडियामे आवद्ध मिडियाकर्मीहुक्रनके उपस्थिति रहल रहे ।