२ असार २०८१, शनिबार June 15, 2024

लोहरपुरमे भजहर सँगे खेलकुद प्रतियोगिता हुइना

२३ चैत्र २०८०, शुक्रबार
लोहरपुरमे भजहर सँगे खेलकुद प्रतियोगिता हुइना

सागर कुस्मी
धनगढी । कैलारी गाउँपालिका–८, लोहरपुर कैलालीमे बर्का भजहरसँगे खेलकुद प्रतियोगिता आयोजना हुइना हुइल बा । जनहित युवा क्लबके आयोजनामे इहे बैशाख १५ गतेसे २२ गतेसम थारु सांस्कृतिक चौठा बर्का भजहर कप २०८१ प्रतियोगिता आयोजना हुइना हुइल हो ।
‘पहिचानमे आधारित खेलकुद विकासमे हमार रहर, थारु कला संस्कृति संरक्षणके लाग भजहर’ कना मूल नारा सहित आयोजना हुइना भजहर तथा प्रतियोगिता बारे शुकके रोज धनगढीमे पत्रकार सम्मेलन मार्फत जानकारी कराइल बा । आयोजक क्लबके अध्यक्ष मनिराम चौधरी भजहर सँगे थारु समुदायमे खेलजैना परम्परागत खेलकूद ओ फुटबल प्रतियोगिता हुइना बटैलै । अध्यक्ष चौधरी फुटबल प्रतियोगितामे पहिल हुउइयाहे १ लाख नगद ओ डुसरा हुउइयाहे ५० हजार नगद पुरस्कार रहल जनैलै ।
ओस्टके अन्य खेलमे खेल हेर हेर के पुरस्कार डेना समेत अध्यक्ष चौधरी बटैलैं । खेल लोहरपुर गाउँके खेल मैडानमे हुइना जनाइल बा । इ गाउँमे हरेक साल भजहरसँगे खेलकुद प्रतियोगिता आयोजना हुइटी आइल बा । सुदूरपश्चिम प्रदेश खेलकुद परिषद मुख्य प्रयोजक रहल प्रतियोगिताके कैलारी गाउँपालिका प्रर्वद्धकमे रहल बा ।