२ असार २०८१, शनिबार June 15, 2024

थारु गीत संगीत मार्फत कला संस्कृति संरक्षणमा सहयोग : मन्त्री चौधरी

६ चैत्र २०८०, मंगलवार
थारु गीत संगीत मार्फत कला संस्कृति संरक्षणमा सहयोग : मन्त्री चौधरी

धनगढी, ६ चैत । थारु गीत संगीत मार्फत थारु भाषा, कला संस्कृति संरक्षणमा सहयोग पुगेको सुदूरपश्चिम प्रदेश सकारकारका अर्थ मन्त्री घनश्याम चौधरीले बताएका छन् ।
बर्दगोरिया इभेन्ट एण्ड मार्केटिङ्ग प्रालिको आयोजनामा मंगलबार धनगढीमा भएको थारु राष्ट्रिय म्युजिक आवार्ड २०८० को टप लिष्टमा परेका कलाकारहरुलाई प्रमाणपत्र वितरण गर्ने कार्यक्रमलाई सम्बोधन गर्दै मन्त्री चौधरीले थारु गीत संगीत तथा म्युजिक भिडियो मार्फत थारुहरुको भाषा, कला संस्कृति संरक्षणमा सहयोग पु¥याएको बताएका हुन् ।


‘हाम्रो थारु समुदायको भाषा कला संस्कृति बचाउन तपाई कलाकारहरु रातदिन खटिनु भएको छ’, मन्त्री चौधरीले भने, ‘यसले थारु समुदायको इतिहास र पहिचान बचाएको छ ।’
थारु समाजमा रहेको विकृति विसंगतिलाई हटाएर समाज रुपान्तरणमा पनि गीत संगीतले महत्वपूर्ण भूमिका खेलेको मन्त्री चौधरीले बताए । उनले गीतसंगीत मार्फत थारु समुदायलाई राष्ट्रिय तथा अन्तराष्ट्रिय स्तरमा पनि चिनाएको बताए ।
मन्त्री चौधरीले थारु गीतसंगीत, भाषा, कला संस्कृति संरक्षणका लागि आफु प्रदेश सरकार मार्फत सहयोग गर्ने पतिबद्धता पनि जनाए ।


राष्ट्रिय थारु कलाकार मञ्चका केन्द्रीय अध्यक्ष विनय वैद्यले थारु कलाकारहरुले लोप हुँदै गएको भाषा संस्कृति संरक्षणमा महत्वपूर्ण भूमिका खेलेको बताए । यसका साथै उनले म्युजिक आवार्डले थारु कलाकारहरुलाई थप हौसाला पुग्ने बताए ।
बर्दगोरिया इभेन्ट एण्ड मार्केटिङ्ग प्रालिका प्रबन्ध निर्देशक तथा थारु राष्ट्रिय म्युजिक आवार्ड २०८० का संयोजक हरेन्द्र चौधरीले आवार्डका लागि १२० जनाले नोमिनेशनमा सहभागिता जनाएको बताए ।

नोमिनेशनमा सहभागी कलाकार मध्ये सर्बोत्कृष्ट आधुनिक गायक(महिला पुरुष), सर्बोत्कृष्ट लोकगीत गायन(महिला पुरुष), गीत लेखक, म्युजिक भिडियो, मोडल, नवप्रतिभा मोडल सहित २८ विधाका लागि टपलिष्टमा ६९ जना कलाकारलाई छनौट गरि प्रमाण पत्र वितरण गरेको बताए ।
संयोजक चौधरीका अनुसार टप लिष्टमा परेका कलाकारहरुलाई ग्राण्ड फिनालेका लागि भोटिङ्ग मार्फत छनौट गरिने बताए । यहि चैत २४ गते धनगढीमा हुने ग्राण्ड फिनालेका लागि भोटिङ्ग पनि सुरु भएको संयोजक चौधरीले जानकारी दिए ।
टपलिष्टमा परेका कलाकारहरुको विवरण हेर्न यहाँ क्लिक गर्नुहोस ।