३२ असार २०८१, सोमबार July 15, 2024

जेष्ठ नागरिकहे सम्मान सहित सुपानेट झुल

२९ माघ २०७९, आईतवार
जेष्ठ नागरिकहे सम्मान सहित सुपानेट झुल

हसुलिया । कैलालीके कैलारी गाउँपालिका वडा नम्बर ७ के वडा कार्यालयके आर्थिक सहयोगमे जेष्ठ नागरिक ओ एकल महिलाहुकनहे सम्मान स्वरुप सुपानेट झुल वितरण सुरु करले बा ।

कैलारी गाउँपालिकाके प्रवक्ता तथा वडा नम्बर ७ के वडा अध्यक्ष दिपेन्दबहादुर बमके वडका पहुनामे हुइल एक कार्यक्रमके विच अँटवारसे जेष्ठ नागरिक ओ एकल महिलाहुकनहे सम्मान स्वरुप सुपानेट झुल वितरण सुरुवाट करल हो । अब्बे गर्मी सिजन सुरुवाट हुइलागल ओरसे मच्छरके कारण लग्ना रोगहे कमी करेक लाग लक्षित वर्ग कार्यक्रम अन्र्तगत सुपानेट झुल वितरण सुरु करे लागल उहाँ बटैलै ।

वडा नम्बर ७ के ५ सय २७ जेष्ठ नागरिक ओ एकल महिलाहुकनहे सम्मान स्वरुप सुपानेट झुल वितरण कैना वडा अध्यक्ष बटैलै । जेष्ठ नागरिक जयपति चौधरीके अध्यक्षतामे हुइल कार्यक्रममे कार्यपालिका सदस्य सुन्दरी चौधरी सुपानेट झुलके सदुपयोग करलेसे मच्छरके कटाईसे लग्ना रोगहे न्यूनिकरण हुई सेक्ना विश्वास व्यक्त करली । कार्यक्रममे वडा सदस्य, वडा कार्यालयके कर्मचारीहुकनके सहभगिता रहे ।