९ जेष्ठ २०८१, बुधबार May 22, 2024

माघ १८ गतेदेखि सुदूरपश्चिम महोत्सव

१९ पुष २०७८, सोमबार
माघ १८ गतेदेखि सुदूरपश्चिम महोत्सव

धनगढी । अगामी माघ १८ गते देखि सुदूरपश्चिम महोत्सव सुरु हुने भएको छ । कोरोनाका कारण दुई वर्षदेखि स्थगित महोत्सव माघ १८ गते देखि सुरु हुने भएको हो । हरेक वर्ष मंसिर २२ गतेबाट लाग्ने महोत्सव विगत दुई वर्ष कोभिड १९ का कारण हुन सकेको थिएन ।
सोमबार आयोजक कैलाली उद्योग वाणिज्य सङ्घले पत्रकारको सम्मेलनको आयोजना गर्दै माघ १८ गते देखि २९ गतेसम्म महोत्सवको आयोजना गरिन लागको जानकारी दिएको हो । यस वर्ष धनगढी उपमहानगरपालिका वडा नम्बर ४ को दक्षिणकाली मार्गमा महोत्सव हुने कैलाली उद्योग वाणिज्य सङ्घले जनाएको छ ।
सुदूरपश्चिम महोत्सवको १५औं संस्करणको रुपमा आयोजना हुने महोत्सवमा वृहत् व्यवसायीक कृषि प्रदर्शनी तथा प्रतियोगिता ताजा तरकारी र कृषिमा आएको प्रविधि सँगै माछा, केरा, पोल्ट्री, दुग्धजन्य पदार्थ, च्याउ आदी व्यवसायलाई प्रदर्शनीमा विशेष जोड दिइने कैलाली उद्योग वाणिज्य सङ्घका अध्यक्ष पुष्कर राज कुँवरले जानकारी दिए ।
महोत्सवमा अनुमानित १ करोडको लगानीमा उत्कृष्ट रूपमा सम्पन्न गरिने जनाएको छ । महोत्सवमा कृषि, जडीबुटी, हस्तकला फर्निचर, अटोमोबाइल्स, गारमेन्ट, इलेकट्रोनिक, होटेल र सूचना प्रविधि गरी ४ सय भन्दा बढीको संख्याको स्टलहरू रहनेछन् ।
यस्तै महोत्सवमा स्थानीय उत्पादन र महिला उद्यमीलाई प्रोत्साहन गरिने छ भने यस वर्षको महोत्सवमा करिब ४ लाख व्यक्तिले अवलोकन गर्ने अनुमान गरिएको छ । महोत्सवलाई भव्यरुपमा सम्पन्न गर्न मूल समिति सहित २१ उप समिति समेत गठन गरेको छ ।