६ चैत्र २०८०, मंगलवार March 19, 2024

दिपेन्द्र माविके ४ कोठे भवन, कम्प्युटर तथा विज्ञान प्रयोगशाला उद्घाटन

२५ श्रावण २०७८, सोमबार
दिपेन्द्र माविके ४ कोठे भवन, कम्प्युटर तथा विज्ञान प्रयोगशाला उद्घाटन

धनगढी, ३१ असार । कैलारी गाउँपालिका वडा नम्बर १ हसुलियास्थित दिपेन्द्र माविके ४ कोठ भवन, कम्प्युटर प्रयोगशाला, विज्ञान प्रयोगशाला तथा पुस्तकालयके उद्घाटन हुइल बा ।
सुदुरपश्चिम प्रदेश सभा सदस्य वीरमान चौधरी बुधके एक कार्यक्रमके बीच ४ कोठे उ भवनके उद्घाटन करल रहिट । कार्यक्रममे प्रदेश सभा सदस्य चौधरी विद्यालयके शैक्षिक तथा भौतिक प्रगतिके लाग आवश्यक पूर्वाधार उपलब्ध करैना अपन सेक्ना सहयोग करना प्रतिवद्धता व्यक्त करल रहिट ।
कार्यक्रममे कैलारी गाउँपालिकाके अध्यक्ष लाजुराम चौधरी कम्प्युटर प्रयोगशालाके उद्घाटन करटी विद्यालयके वर्तमान प्रगतिके प्रशंसा करल रहिट । ओस्टके अध्यक्ष चौधरी भविष्यमे अन्य नमुना विद्यालयके दाँजोमे इ विद्यालय और गुणस्तर कायम करि कना विश्वास व्यक्त करल रहिट ।
विद्यालयके लावा विज्ञान प्रयोगशालाके उद्घाटन गाउँपालिकाके उपाध्यक्ष लक्ष्मी सत्गौंवा करले रही । ओस्टके पुस्तकालय उद्घाटन वडा नम्बर १ के वडाध्यक्ष बालकृष्ण डंगौरा थारु करल रहिट । विद्यालय व्यवस्थापन समितिके अध्यक्ष वीरप्रसाद चौधरीके अध्यक्षतामे हुइल कार्यक्रममे विद्यालयके प्रधानाध्यापक विनोद भट्टराई आपन कार्यकालमे हुइल उल्लेख्य कार्यके समीक्षा करल रहिट ।
विद्यालयके प्लस टु संयोजक प्रेमराज पन्त स्वागत करल कार्यक्रमके सञ्चालन शिक्षक नारायण ढकाल करले रहिट ।