थारू देउथान अवलोकन तथा सहयोग

-कैलारी अनलाइन

शनिवार, २८ चैत्र 4:19 PM

धनगढी, २८ चैत । कैलाली जिल्लाके गौरीगंगा नगरपालिका वडा नम्बर १० सुन्दरपुर टोलमे निर्माणाधिन थारू देउथानके अवलोकनके साथे सहयोग करगैल बा ।
गुरुवा बैदवा समाज ओ भल्मन्साके पहलमे बन्टी रहल देउथानके नेपाली कांग्रेसके महासमिति सदस्य लक्ष्मी राज पाठकसे लावा बर्ष पारके १२ हजार सहयोग करल रहिट । ओस्टके उहाँ सुन्दरपुर गाउँके भल्मन्साहे बैसाखी फेन सहयोग करल रहिट ।


२०७५ अगहन १६ गते स्थापना देउथान अब्बे निर्माण हुइटी रहल बा । हाल देउथान के घर, बैठक बैठना घर, ओ ५ कोठाके पक्की घरके लग वडासे ५ लाख सहयोगमे जग निर्माण हुइल बा ।
थारू गुरुवा बैदवा सेवा समाजके नगर अध्यक्ष गोपालदास चौधरीके घरगोसियाइमे हुइल कार्यक्रममे चैत १४ ओ १५ मे हुईल दाङ अबलोकन भ्रमणके समिक्षा फेन हुईल रहे ।

कार्यक्रममे नेपाली काङ्ग्रेसके क्षेत्रीय सभापति दिनेश राज जोशी, गौरीगंगा नगरपालिकाके कार्यपालिका सदस्य विनिता महरके फे सहभागीता रहे ।

थप सम्बन्धित समाचार
Follow
Us