थारू कलाकारलाई सम्मान

-कैलारी अनलाइन

शुक्रवार, ३ बैशाख 2:29 PM

धनगढी, ३ बैशाख । राष्ट्रिय थारू कलाकार मञ्च केन्द्रिय कार्यालयले थारू कलाकारलाई सम्मान गरेको छ ।
धनगढीमा एक कार्यक्रम आयोजना गरि राना थारू भाषाको म्युजिक भिडियो ‘मयत प्रेम करंगो तुमसे’ का कलाकारहरुलाई सम्मान पत्र तथा खादा ओढाएर सम्मान गरिएको हो । थारू चलचित्र जगतमा राना समुदायको भाषा, कला, संस्कृति गीत संगीत मार्फत संरक्षण सम्वद्र्धनमा योगदान पु¥याएको भन्दै कलाकारहरुलाई सम्मान गरिएको मञ्चका केन्द्रिय अध्यक्ष विनय वैद्यले बताए ।
मञ्चले म्युजिक भिडियोका मोडल दशरथ राना, सरस्वती राना, गायक अमरसिंह राना, निर्देशक सुधराम दहित र सिएस प्रालिका प्रवन्धक सतिस सिन्हालाई सम्मान गरेको हो ।
गायिका अन्नु चौधरी, सुवेश कठरिया, गणेश चौधरी लगायत कलाकारलाई पनि सम्मान गरिने मञ्चका अध्यक्ष वैद्यले बताए ।
कार्यक्रममा मञ्चका केन्द्रिय सदस्य तथा मोडल बीर चौधरी, मञ्चका सुदूरपश्चिम प्रदेश संयोजक तथा नायक संगत चौधरी, निर्देशक सुधराम दहितले शुभकामना मनतब्य राखेका थिए ।

थप सम्बन्धित समाचार
Follow
Us