वडा स्तरीय खेलकुद प्रतियोगिता ओराईल

-कैलारी अनलाइन

शनिवार, ७ चैत्र 6:33 PM


उदासीपुर, ७ चैत । गौरीगंगा नगरपालिका वडा नम्बर १० मे जारी वडा स्तरीय खेलकुद प्रतियोगिता ओराइल बा ।
चैत २ गतेसे शुरु हुईल वडा स्तरीय खेलखुद प्रतियोगिता शनिच्चरके रोज ओराइल हो । प्रगतिशील युवा क्लब भगतपुरके आयोजनामे हुईल रहे । खेलमे भलिबल, फुटबलमे महिला ओ पुरुषके खेल ओस्टक ब्याडमिन्टन प्रतियोगिता हुईल रहे ।
जेम्ने भलिबलमे स्मार्ट युवा क्लव, महिला फुटबलमे राईजिङ्ग युवा क्लव, पुरुष फुटबलमे थ्री स्टार युवा क्लव विजय हुईल रहिट । ओस्क ब्याडमिन्टनमे दान बहादुर विक ओ हरि चौधरी विजय हुईल रहिट ।
वडा कार्यालयके ७५ हजार आर्थिक सहयोगमे हुईल खेलमे फुटबलके पुरस्कारमे प्रथमहे ६ हजार नगद ओ डुसराहे ४ हजार डेगिल रहे । भलिबलमे ६ हजार ओ ब्याडमिन्टनमे २ हजार पुरस्कार डेगिल रहे । समापन कार्यक्रम क्लबके अध्यक्ष जगत राम चौधरीके अध्यक्षता हुईल रहे । समापन कार्यक्रमके बर्का पहुना वडा अध्यक्ष पदम बहादुर ऐर रहल रहिट । कार्यक्रममे कार्यपालिका सदस्य विनिता महर, वडा सदस्य गौरी लाल चौधरी, वडा सदस्य भागी राम चौधरी लगायतके शुभकामना मन्तव्य देहल रहिट ।

थप सम्बन्धित समाचार
Follow
Us