भजनीके चर्रामे कठरिया होरी उत्सव हुइना

-कैलारी अनलाइन

शनिवार, १ फाल्गुण 5:42 PM

धनगढी, १ फागुन । कैलालीके कठरिया थारुहुक्रे होलीके अवसरमे होरी उत्सव मनैना हुइल बाटै ।

भजनी नगरपालिका वडा नम्बर ७ चर्रा र बनगाउँके आयोजना तथा पुरैना युवा क्लबके सहयोगमे पुरैना युवा क्लबके अंगनामे एक दिने होरी उत्सव हुइना कठरिया होरी उत्सवके संयोजक अर्जुन कठरिया जानकारी डेलै । उ उत्सव फागुन डुसरा टिसरा अँठ्वार ओर मनैना जनाइल बा ।
कठरिया थारु समुदायके लोक कला, रिती सस्कृति संरक्षण तथा प्रवद्र्धन कैना उद्देश्यसे होरी उत्सव आयोजना करे लागल गीतकार सुवेश कठरिया जानकारी डेलै । ओस्टके लोप हुइटी रहल कठरिया समुदायके रिती संस्कृति तथा होली पर्व मनैना तौरतरिकाहे युवा पुस्ताहे जानकारीके लाग फेन उत्सव आयोजना करे लागल गीतकार कठरिया जानकारी डेलै ।


गैल बरस कठरिया समाज नेपाल ओ कठरियन पोष्टके आयोजनामे अइना चैत्र ९ गते बर्दगोरिया गाउँपालिका–६ कोटातुलसीपुरमे भब्य कार्यक्रमके बिच होरी उत्सव मनाइल रहे ।
कार्यक्रममे कठरिया थारु समुदायके पुरान गीतबाँस, परम्परा, चालचलन जस्टे ठरमा, मिचुवा, खिचरी लगायत प्रस्तुत कैना जनाइल बा । ओकर लाग जिल्लामे बसोबास करटी आइल कठरिया समुदायके हरेक गाउँसे सांस्कृतिक कार्यक्रम सहित सहभागिता जनाइ पर्ना आयोजक जनैले बा ।

थप सम्बन्धित समाचार
Follow
Us